Ажар Ғиният сақтандыру жүйесіне енбеген адамдарға жүргізуші куәлігін беруді шектеу ұсынысына қатысты түсінік берді

ҚР Денсаулық сақтау министрі Ажар Ғиният Әлеуметтік Міндетті әлеуметтік медициналық сақтандыру жүйесіне енбеген адамдарға жүргізуші куәлігін беруді шектеу ұсынысына қатысты түсінік берді. Оның айтуынша, бұл күрделі операциялар мен жол-көлік оқиғаларынан зардап шеккендерді емдеу үшін төлейтін медициналық сақтандыру қорының қаржылық тұрақтылығын қамтамасыз ету үшін қажет.

Бұл шектеулерді не үшін енгізу ұсынылды. Министрдің айтуынша, жыл сайын Қазақстанда шамамен 3 мың адам жол-көлік апатынан көз жұмады. Бұл ретте ауыр жағдайда зардап шеккендердің саны медициналық ұйымдарға жеткізіледі. Онда шұғыл көмек тегін медициналық көмектің кепілдік берілген көлемі шеңберінде көрсетіледі, бірақ кейбір күрделі операциялар МӘМС бойынша төленеді.

«Жол апаттары көп тіркеліп жатыр. Мен күніне 10 немесе одан да көп жазатайым оқиға туралы ақпарат аламын. Зардап шеккендердің жартысы қайтыс болады, негізінен еңбекке қабілетті жастағы жастар, балалар. Олардың тең жартысы ауыр халде медициналық ұйымдарға жатқызылады. Адамдар мұндай жағдайға тап болғанда, «Сіз сақтандырылғансыз ба?» деп сұраған медициналық қызметкерге қалай қарайды деп ойлайсыз? Ал біз бұл жерде шұғыл көмек туралы айтып отырған жоқпыз, себебі жедел көмек онсыз да бірінші кезекте іске асырылады. Бірақ кейбір травматологиялық, ортопедиялық, күрделі операциялар олар Міндетті әлеуметтік медициналық сақтандыру жүйесіне енгізілген. Сондықтан медицина қызметкерлеріне науқастан «Ертең ота жасау керек, сіз сақтандыру жүйесінде барсыз ба?» деп сұрап тұру ыңғайсыз. Мұның бәрі адам денсаулығына қатысты», – деді министр.

Қай елдерде жүргізуші куәлігін берген кезде медициналық сақтандыру талап етіледі.

«Көптеген елде, яғни Германия, Норвегия, Ұлыбритания және басқа да дамыған елдерде тиісті талаптар бар. Егер жүргізуші куәлігін алғыңыз келсе, медициналық сақтандыру сұралады. Атап айтқанда, басқа мемлекетке сапарлап барған кезде де медициналық сақтандырусыз ешкімді қабылдамайтынын білесіздер»-деді министр.

Бұған дейін ҚР Денсаулық сақтау министрі Ажар Ғиният елдегі медициналық көмектің сапасы мен қолжетімділігіне наразы қазақстандықтардың әлеуметтік желілердегі сын-ескертпелеріне жауап берген болатын. Министрдің пікірінше, азаматтардың наразылығының негізгі себептерінің бірі-азаматтарға медициналық қызметтерден бас тарту, өйткені олар сақтандырылмаған.

Айта кетейік, Ажар Ғиният 2022 жылы медициналық сақтандыру қорының топ-менеджерлері бонус алған жоқ деп сендірді.