«Байланыс және коммуникациялық технологиялар», «В055 – Математика және статистика», «В063 – Электротехника және автоматика» сынды мамандықты таңдаған талапкерлердің өтініші ескерілетін болды. Бұған қатысты Қазақстан Республикасы Ғылым және жоғары білім министрі Саясат Нұрбек мәлімдеме жасады.
2024 жылғы Ұлттық бірыңғай тестілеу жаңалықтарына қатысты Ғылым және жоғары білім министрі түсініктеме берді. Саясат Нұрбектің айтуынша, бейіндік пәндерді біріктіру жобасының ережелері қайта пысықталып, мамандық таңдауға қажетті кейбір пәндер комбинациясы өзгеріссіз қалған:
«В059 – Байланыс және коммуникациялық технологиялар», «В055 – Математика және статистика», «В063 – Электротехника және автоматика» білім беру бағдарламаларының топтарына түсуші үміткерлер «Математика-информатика» комбинациясын тапсыруға міндетті болды. Алайда, болашақ мамандығы ретінде осы мамандықтарды таңдаған көптеген талапкер «Математика-Физика» мамандандырылған пәндер комбинациясынан кетуді сұрады, өйткені олар дайындықты бастап кеткен. Осылайша, біз сіздердің талап-тілектеріңізді ескере отырып, бұл мәселелерді өзгеріссіз қалдыруға шешім қабылдадық,- деді министр.
Министрдің сөзіне сенсек, талапкерлер ҰБТ-ға дайындықты «Математика-Физика» пәндері бойынша жалғастыра алады. Сондай-ақ оқу жылының басында Ұлттық тестілеу орталығы сайтында әдебиеттер тізімі мен тапсырмалар құрастырылған тест сұрақтары жарияланғанын атап өтті.
«Қазақстан тарихы» және «Дүние жүзі тарихы» пәндері бойынша 100 тарихи даталардың тізімі, «Информатика» пәнінің терминдер тізімі, «Қазақ әдебиеті» және «Орыс әдебиеті» бойынша әдеби шығармалар тізімі берілді және онлайн тестілеу сынақтары іске қосылды. Сонымен қатар, жақын арада тегін онлайн сабақтар басталады.Бұл шаралар ҰБТ-ға дайындықты арттыруға мүмкіндік беретініне сенімдімін. Сәттілік, жас достар! – деді Саясат Нұрбек.
