Жаңа Салық кодексі талқыланған Мәжілістің 18 қазан күнгі отырысында депутаттар БЖЗҚ-ның инвестициялық кірісі мен зейнетақы жинақтарының өзін жеке табыс салығынан босатуды ұсынды. «Ақ жол» фракциясының ұсынысын Азат Перуашев жария етті.
«Ақ жол» фракциясы төрағасының хабарлауынша, қор нарығын кеңейтуде жайлы инвестициялық климат қалыптастыру маңызды. Себебі дивидендтерге салық салу – инвестицияларды тежейтін қате шешім.
Дивидендтерге салық салу туралы былтырғы шешімді қате және инвестицияларды тежейтін деп санаймыз. Halyk Finance сарапшылары инвестициялардың таза ағынын 3,8 млрд долларға бағалады, ал осы жылдың 1 тоқсанында 600 млн доллардан астам болғанын атады. Мемлекеттік бағалы қағаздар мен Ұлттық банктің ноталары бойынша салықтар осы уақытқа дейін алынбаған, ал инвесторлар экономикаға төлем жасап жатыр. Мемлекеттік шығындарға жұмсалатын қаражат экономикаға салынған инвестициялардан маңыздырақ па екен? Бұл – инвестицияны тежейтін фактор. Біз одан бас тартуды ұсынамыз, – деді депутат.
Сонымен қатар, мәжіліс депутаты осы қағида бойынша БЖЗҚ-дағы азаматтардың зейнетақы шоттарындағы жинақтарды жүйелеуді талап етті. БЖЗҚ үшін төлемдер міндетті, ал әлеуметтік шарт теориясы бойынша міндетті төлемдер салықпен тең екенін айтты. Міндетті төлемдер салығы – салыққа салынған салық, деді депутат.
БЖЗҚ қаражаты экономикаға инвестицияланады, дағдарыс кезінде, тіпті, бюджетті толтыру үшін жұмсалады. БЖЗҚ-ның инвестициялық кірісі мен зейнетақы жинақтарының өзін жеке табыс салығынан босатуды ұсынамыз. Олар жылдар бойы жұмыс істеді, экономика мен бюджет үшін қосымша құн жасады, – деді Перуашев.
Қазіргі кезде қазақстандықтардың зейнетақы жүйесіне деген сенімі аз екені жиі айтылады. Оған кейінгі жылдары азаматтардың БЖЗҚ-дан алған қаржысы дәлел. Сондықтан БЖЗҚ тек зейнетақы жинақтары өз есепшотында жинайтын есеп орталығы емес, азаматтарды зейнетақы жүйесіне қатысуға ынталандыратын әлеуметтік институт ретінде жұмыс істеуі тиіс. Естеріңізде болса, бұл туралы Премьер-министр Әлихан Смайылов айтқан еді.
