Франция Газаға гуманитарлық көмекті бес есе арттырады

Франция Газа секторына көмекті бес есеге, яғни 100 миллион еуроға дейін арттырады, деді ел президенті Эммануэль Макрон Париждегі Палестина гуманитарлық конференция аясында. Бұл туралы BFM TV мәлімдеді.

Сонымен қатар, Макрон ХАМАС қозғалысына израильдік кепілге алынған адамдарды дереу босатуға шақырды. Ол Газаның бейбіт тұрғындарының қайғы-қасіретіне назар аударып, гуманитарлық көмек көрсетуге уәде берді.

Сондай-ақ, француз президенті Газада атысты тоқтатуға шақырды. «Бүгінде жағдай күрделі және күн сайын нашарлауда», — деді Макрон.

Қазан айының соңында Франция, Ұлыбритания және Нидерланды Газаға теңіз арқылы гуманитарлық көмек жіберетіні жайлы хабарлады.