Қазақстандықтар желтоқсан айының ортасында ұзақ демалысқа шығады.
16 желтоқсан Тәуелсіздік күні сенбіге түсетіндіктен, демалыс 18 желтоқсан дүйсенбіге ауыстыралады. Нәтижесінде халық 3 күн демаатын болады.
Жалпы 31-ге толатын бұл айдың 20 күні жұмыс, 11 күні демалыспен өтеді. Ал Жаңа жыл қарсаңындағы екі күн, яғни 30-31 желтоқсан сенбі-жексенбіге түскені қазақстандықтар үшін ыңғайлы болары анық.
Айта кету керек 16-желтоқсан Тәуелсіздік күні – елімізде мемлекеттік мереке ретінде аталып өтеді.
Мерекелер туралы заңға сәйкес, елімізде Ұлттық мереке – 25 қазанда атап өтілетін Республика күні. Сонымен қатар 9 мемлекеттік мереке бар. Ол күндері елде демалыс жарияланады.
1 желтоқсан Тұңғыш Президент күні ретінде мерекелік күндер тізімінде қалды, алайда ол күн мемлекеттік мерекелер тізімінен алынып тасталған болатын. Сондықтан, қазақстандықтарға 1-желтоқсан күні демалыс берілмейді.
