Шымкент МӨЗ сұйытылған газды штаттық режимде жеткізуде

Шымкент мұнай өңдеу зауыты сұйытылған мұнай газын өндіру мен жөнелтуді ҚР Энергетика министрлігі бекіткен жоспарға сәйкес тұрақты жүргізуде. Бұл туралы Рetrokazakhstan.kz хабарлады.

Зауыт Шымкент қаласынан басқа еліміздің басқа оңтүстік өңірлеріне (Алматы, Түркістан және Жамбыл облыстарына) тиеп жөнелтуді жүзеге асырады. Қазан айында 25,3 мың тонна өндірістің жиынтық жоспары кезінде кәсіпорын 31,5 мың тонна сұйытылған газ жөнелтті. Ағымдағы жылдың қараша айының 15 күнінде жоспарлы көрсеткіш 15,8 мың тонна болғанда тұтынушыларға 16,4 мың тонна (бұған дейін жинақталған қалдықтардан 587 тоннаны қосқанда) жіберілді. 

СМГ орташа тәуліктік өндірісі қазан айында 1042 тоннаны, тиеп жөнелту – 1019 тоннаны құрады, бұл тәулігіне 29-30 вагон-цистернаға сәйкес келеді. Қарашаның 15 күнінің қорытындысы бойынша бұл көрсеткіш 1102 тоннаға жетті, ал тиеп-жөнелту – 1097 тонна (29-30 вагон-цистерна).

Шымкент қаласы бойынша қараша айында зауыт 7,5 мың тонна СМГ жөнелтуді жоспарлаған. 15 күнде 3,8 мың тонна (жоспардың 50%) жөнелтілді. Жоспарланып отырған орташа тәуліктік тиеп-жөнелту шамамен 7 вагон-цистерна. 

Жалпы алғанда, газды жөнелту Шымкент МӨЗ резервуарларында өнімнің жинақталуына және паспортталуына, сондай-ақ тұтынушылардан өтінімдердің келуіне қарай жүзеге асырылады. Бұл дәстүрлі тәжірибе және оны тек отандық зауыттар ғана емес, бүкіл әлемдегі МӨЗ қолданады.

Айта кетейік, Президент ішкі нарықты жанар-жағармаймен және сұйытылған мұнай газымен үздіксіз қамтамасыз ету шараларын қабылдауды тапсырды.

Сондай-ақ, бір апта бұрын Энергетика министрі Алмасадам Сәтқалиев Қазақстанда автогаз тапшы, бұл мәселе жақын арада шешілмейтінін хабарлаған еді.