![](https://kz.kursiv.media/wp-content/uploads/2023/12/14-8-1024x576.jpg)
Ұлттық банк желтоқсан айында Ұлттық қор қаражатынан 250 млрд теңгеге «Қазмұнайгаз» компаниясының жай акцияларын сатып алуды жоспарлап отыр, деп Ұлттық Банк «Курсивке» хабарлады.
Бұған дейін Үкімет пен Ұлттық Банк республикалық бюджетті қаржыландыру үшін ҚМГ акцияларының 20%-ға дейін дисконтпен сатып алуға Ұлттық қордан 1,3 трлн теңге бөлу туралы шешім қабылдаған болатын.
Қазақстан қор биржасының (KASE) деректері бойынша 1 қарашадағы жағдай бойынша ҚМГ акцияларының «Самұрық – Қазынаға» 79,73%-ы, Ұлттық Банкке- 9,58%-ы, Қаржы министрлігіне 7,69% -ы тиесілі. 1 желтоқсандағы сауда-саттықтың жабылуында акциялардың құны бір қағаз үшін 11 580 теңгені құрады.
Қаржы министрлігі «Қазмұнайгаздың» жай акцияларына иелік ету үлесін 7,69% -дан 16,15% – ға дейін ұлғайтты, деп хабарлады Қазмұнайгаз .
Ұлттық банк «Курсив» сұрауына жауап ретінде қараша айының басында алғаш рет Ұлттық қордың мүддесі үшін «Қазмұнайгаз» акцияларын сатып алу бойынша мәміле сомасын жариялады. Қазан айында реттеуші осы мақсаттарға 500 млрд теңге бөлді. Бұған дейін Ұлттық банк қазан айындағы валютаны сатудың жалпы сомасы туралы есеп берген болатын.
Реттеуші Қаржы министрлігі бұрын бекіткен кестеге сәйкес бюджетке барлық соманы емес, тек 369,8 млрд теңгені аударғанын атап өтті. Жалпы 1,3 трлн теңгеге «ҚазМұнайГаз» қағаздарын сатып алу жоспарланған болатын.
Өткен жылдың соңынан бастап Үкімет мемлекеттік қаржыны басқару тұжырымдамасына 2023 жылға дейін екі рет өзгерістер енгізді, соның арқасында Ұлттық Қор жаңа өкілеттіктерге ие болды. Енді ол «Самұрық-Қазына» облигациялары мен «ҚазМұнайГаз» акцияларын нарықтық құнынан жеңілдікпен сатып ала алады. Ұлттық Банк Ұлттық қордың агенті және ішкі нарықта валюталық операцияларды жүргізеді.