Ауыл шаруашылығы министрлігі Мемлекет басшысының тапсырмасына сәйкес АӨК-де субсидиялауды жетілдіру жөніндегі жұмысты жалғастыруда. Бұл туралы ҚР АШМ баспасөз қызметі хабарлады.
«АШМ АӨК субъектілеріне несие беру кезінде сыйақы мөлшерлемелерін субсидиялау қағидаларына өзгерістер енгізді. Түзетулер қарыз шарттары күту тізімінде тұрған фермерлер үшін шарттарды жақсартады», – делінген хабарламада.
Айта кетейік, субсидиялау бағдарламасының талаптарына сәйкес шаруалар несие алған күннен бастап 4 жыл ішінде өздерінің қарыз шарттарын субсидиялау бағдарламасына енгізу туралы ұсыныс бере алады. Алайда шаруалар бірден ұсыныстар бермегендіктен, қосымша бюджет қаражаты түскен кезде қысқа мерзімді қарыз шарттары жарамсыз болуы мүмкін деген қауіп бұрын болған.
«Сондықтан Ережеге субсидиялар, оның ішінде субсидиялау шартын жасасу кезінде қарыз шартының қолданылу мерзімі аяқталған күту парағындағы ұсыныстарға да төленетінін көздейтін өзгерістер енгізілді. Бұл субсидиялау бағдарламасына қатысу кезінде АӨК субъектілерінің құқықтарын қорғауға мүмкіндік береді.
Бұйрық жобасында басым жобаларды кредиттеу және қаржылық лизинг тетігі шеңберінде қаржыландырылған жобалар бойынша субсидиялауды есептеу үшін номиналды мөлшерлемені ҚР Ұлттық Банкінің базалық мөлшерлемесіне байланыстыру бойынша өзгерістер көзделген. Мұндай жобалар бойынша субсидиялау Ұлттық Банктің базалық мөлшерлемесінің жиынтық көрінісі ретінде есептелген номиналды сыйақы мөлшерлемесінен аспайтын, оған қоса теңгемен жылдық 4,5% жүзеге асырылатын болады. Оның үстіне, оның 13,25% мемлекет төлейді, ал айырмасын қарыз алушы төлейді», – делінген ҚР АШМ баспасөз қызметінде.
Сондай-ақ, АШМ сыйақы мөлшерлемесіне жеңілдік жасаумен қатар, ауыл шаруашылығы өнімдерін өндіру немесе қайта өңдеу саласындағы басым жобалар бойынша кредит беру және қаржы лизингі үшін есептілік нысаны мен тауарлар тізбесі жаңартылды.
Бұған дейін АШМ өсімдік шаруашылығын субсидиялау жеңілдейтінін хабарлаған болатын. Құжатқа сәйкес «электрондық егістік карталары» алып тасталады. Солайша субсидиялау процестері оңтайланады.
Бұған дейін қолданыстағы ережелерге сәйкес өсімдік шаруашылығын субсидиялау «электрондық егістік картасының» болуын талап ететін, ол бойынша фермерлер субсидия алуға өтінім бергенге дейін егіс айналымын толтыруы керек болатын.
Өсімдік шаруашылығында 2023 жылы сатып алынатын өсімдіктерді қорғау құралдарының, тыңайтқыштардың және жоғары сапалы тұқымдардың көлемі ұлғаяды. Сәйкесінше, субсидиялау көлемі де артады. Өйткен 110 мың өтінім келіп түскен, оның ішінде 85 миллиард теңгеден астам сомаға өтінім мақұлданған. Қолданыстағы ережелерге сәйкес 2024 жылдың 1 қаңтарына дейін «егістік карталарды» жүзеге асыруды уақытша тоқтатылды.
Айта кету керек, тыңайтқыштарды субсидиялау бағдарламасына 2023 жылы 31.3 млрд теңге қарастырылған екен. Ал ауылшаруышылығы дақылдарын зиянды организмдер мен арамшөптерден қорғау үшін биыл пестицидтарды субсидиялау бағдарламасына 32.6 млрд теңге бөлініпті. Биылғы жылдың қаңтар айынан бастап, алғаш рет көктемгі егіс жұмыстарына 140 млрд теңге көлемінде қаржыландыру пысықталған.
Аграрлық несие корпорациясы бұл қаражаттың бөлінуін күтпей-ақ қолда бар ресурстар есебінен 2022 жылдың желтоқсан айынан бастап қаржыландыруды бастап кеткен екен.
