KEGOC АҚ 2023 жылдың 11 айындағы қызметінің нәтижесін жариялады. Соған сәйкес, компания қаңтар-қараша аралығында 36,1 млрд теңге таза пайда тапқан. Бұл көрсеткіш былтырғы сәйкес кезең нәтижесімен салыстырғанда 24,7%-ға артық. Таза пайда көлемі компанияның болжамынан асып түскен.
Сондай-ақ, таза пайда көлемі бүкіл 2022 жылғы пайдадан (26,7 млрд. теңге) жоғары болып қана қоймай, Halyk Finance сарапшылары болжаған 33,6 млрд теңге көрсеткіштен 2,5 млрд теңгеге асып түсті.
Таза пайда өскенімен қатар, 2023 жылдың 2 жартыжылдығына арналған дивиденд туралы ақпарат та жағымды болып отыр. Компания төлейтін дивиденд мөлшері 2023 жылдың 1 жарты жылдығы деңгейінде қалуы мүмкін. Бұл компания жыл соңында таза пайданы дивидентке бөліп қана қоймай, әр акция үшін жылдық дивиденд мөлшерін 30% арттырып, 151 теңгеге дейін жеткізеді деген сөз.
Пайданың өсуіне операциялық көрсеткіштердің өсуі, тарифтердің қымбаттауы және биыл 1 шілдеден күшіне енген нормативтік өзгерістер ықпал етті. Сонымен қатар сарапшылар компания 2023 жылды жақсы көрсеткішпен жабатынына қарамастан, бұл өзгерістердің толық оң әсерін 2024 жылдан сезінетінін атап өтеді.
Биыл KEGOC SPO-сы өтті. 16 қазан- 2 қара аралығында лдің жетекші энергетикалық компаниясы акцияларын қайталама орналастыруға қатысу үшін инвесторлардан өтінім қабылданды.
SPO KEGOC Қазақстан Республикасының Үкіметі бекіткен 2021-2025 жылдарға арналған жекешелендіру жоспары шеңберінде экономиканы одан әрі мемлекет иелігінен алу, оның ішінде қосымша эмиссия жолымен мемлекеттік активтерді жекешелендіру есебінен өткізілді. SPO бірлескен үйлестірушілері мен букраннерлері: «Фридом Финанс» АҚ, «Halyk Finance» АҚ және «SkyBridge Invest»АҚ болды. Бірлескен андеррайтерлері: «BCC Invest» АҚ және «Jusan Invest»АҚ..
. Қазақстан қор биржасы (KASE) мен «Астана» халықаралық қаржы орталығының биржасында (Astana International Exchange, AIX) компания акциялары қайта орналастыру нәтижесінде «Самұрық-Қазына» АҚ үлесі 85%-ға дейін қысқарды.
Қайта орналастыру барысында жалпы сомасы 34,8 млрд теңгеге 50 мыңнан астам өтінім қабылданды. Осылайша, сұраныс жоспарланған орналастыру көлемінен 1,5 еседен астам асып түсті.
KEGOC АҚ Қазақстанның Бірыңғай электр энергетикалық жүйесінің жүйелік операторы функцияларын орындайды, Ұлттық электр желісінің (ҰЭЖ) активтерін иеленеді және басқарады. Негізгі қызмет түрлері табиғи монополия саласына жатады. Кәсіпорынның балансында ұзындығы 27 мың шақырымға жуық кернеуі 220-1150 кВ электр беру желілері және 82 электр қосалқы стансасы бар.
10 қараша күні KASE алаңында екінші рет орналастырылған KEGOC акцияларының қайталама саудасы басталды. Сауда бастала салып компанияның бағалы қағаздары біршама қымбаттап, әр акциясы 1540-1550 теңгеден сатылды. Бұған дейін KEGOC АҚ компаниясы Қазақстан қор биржасының (KASE) ақпараттық бағанында орналастырылатын акция саны мен оның құны туралы ақпарат ұсынды.
