12 жасар астаналық Кемел Жүсіпов есімді оқушыға Қасым-Жомарт Тоқаевтың қолтаңбасы мен тілегі жазылған кітап сыйға тартылды. Бұл туралы бала Instagram-парақшасында жазды.
Кемел президентпен кездесіп, Тоқаев жазған «Әке туралы сөз» кітабын сыйлық ретінде алғысы келетінін айтқан.
«Құрметті Қасым-Жомарт Кемелұлы, менің атым сіздің әкеңіздің атындай – Кемел. Бүгін менің туған күнім және осыдан тура 12 жыл бұрын ата-анам маған осы есімді қойған. Мен Астанада тұрамын. Қазақстан тарихын, дүниежүзілік тарихты және географияны жақсы көремін және оқимын. Әртүрлі елдің банкноттары мен тиындарын жинаймын. Мен саяхаттауды жақсы көремін және әлемнің төрт елінде болдым.
Мен бүкіл әлемді аралауды армандаймын. Менің әрбір сапарым жаңа таныстық, адамдармен араласу. Сізді көріп, сөйлесіп, қолтаңбаңызбен «Әке туралы сөз» жазылған сыйлық алуды армандаймын. Менің хатымды оқып, арманым орындалады деп сенемін», – деп жазды Кемел.
«Әке туралы сөз» кітабы туралы. «Әке туралы сөз» («Әке тұралы ой-толғау») кітабы 2005 жылы жарық көрді. Онда Қасым-Жомарт Тоқаев ата — аналары мен жақындары туралы естеліктерді сипаттап, белгілі жазушы және журналист болған әкесі Кемел Тоқаевқа ерекше назар аударды.
