Қарағанды облысы полиция департаменті Тергеу басқармасының бұрынғы бастығы Рустам Құлкеевке іздестіріліп жатыр. Оған заттай айғақтарды ұрлады деген айып тағылып отыр. Іздеу салып жатқан – Қарағанды облысының полиция департаменті
Сот статистикасы және арнайы есепке алу порталында Қазақстан Республикасы Ішкі істер министрлігі Қарағанды облысы полиция департаменті Тергеу басқармасының бұрынғы бастығы Рустам Құлкеевке іздеу жарияланғаны туралы хабарландыру шықты.
Белгілі болғандай, Қарағанды облысында 2023 жылдың 1 желтоқсанында іздеу ісі тіркелген. Іздестіру жұмыстарын жүргізіп жатқан орган – Қарағанды облысының полиция департаменті.
Еске салайық, бұған дейін Рустам Құлкеев пен Қарағанды облысы полиция департаменті тергеу бөлімінің тергеушісі Қанатовтың сот қарауы кезінде майнингке арналған қылмыстық істі өте кешіктірген, сондай-ақ лауазымдық өкілеттіктерін асыра пайдалану бойынша қылмыстық құқық бұзушылық жасады деген күдікке ілінгені хабарланған болатын.
Облыстық полиция департаменті Құлкеевтің заттай айғақтарды ұрлау фактісі бойынша қозғалған қылмыстық істе айыпталушы ретінде танылғанын хабарлады.
Дәлірек айтқанда, бұрынғы полиция басшысы басқа қылмыстық іс бойынша тәркіленген майнинг жабдығын ұрлады деген күдікке ілінді. Сонымен қатар, Құлкеевке қызмет бабын асыра пайдаланды деген айып тағылып отыр. Ол қылмыстық іс қозғалмай тұрып-ақ қызметінен босатылғаны белгілі болды. Рустам Құлкеевпен бірге Қанатов есімді тергеуші де майнинг жабдығын ұрлады деген күдікке ілінген.
Рустам Құлкеев 39 жаста. Ол бұған дейін Қарағанды полиция басқармасы бастығының орынбасары қызметін атқарған.
