Kaspi банк Nasdaq биржасына акцияларын шығармақшы

Компания NASDAQ тізіміне кіруге өтініш берді/ Reuters Connect

Акциялары Қазақстан мен Лондонда сатылатын Kaspi Финтех- тобы АҚШ-тың Бағалы қағаздар және биржалар комиссиясына (SEC) NASDAQ тізіміне кіруге өтініш берді. Компания акцияларды орналастыру кезінде 100 млн доллар тартуды көздеп отыр.

Reuters агенттігінің хабарлауынша, ұсыныс бойынша андеррайтер ретінде Morgan Stanley, JP Morgan және Citigroup таңдалған.

2023 жылдың қазан айында Kaspi Лондон қор биржасында F-1 нысаны бойынша SEC-ке өтініш бергенін жариялады. Акцияларды жария орналастыру нарықтық және басқа да шарттарға, сондай-ақ SEC-тің өтінішті қарау процесінің аяқталуына байланысты болатыны айтылған.

Kaspi.kz 2020 жылдың қазан айында Лондон қор биржасында IPO өткізді. Акциялардың шамамен 15%-ын орналастыру кезінде компания акционерлері $1 млрд тартты.

Компанияның акциялары Қазақстан қор биржасында (KASE), ал әлемдік депозитарлық қолхаттар LSE-де саудаланады. Астана уақытымен 8:35-те KASE-де компания акциялары 45 390 теңгеден, LSE биржасында 93,5 доллардан сатылуда. Компанияның капиталдандыруы шамамен 18 миллиард долларды құрайды.

1 қазандағы акционерлер тізілімінен алынған үзіндіге сәйкес (соңғы деректер жоқ) компания Baring Vostok қорына – 27,48% жай акцияларға, Михаил Ломтадзеге – 24,63% және Вячеслав Кимге – 23,43% тиесілі. Жарияланған қарапайым акциялардың саны – 216,7 млн дана, орналастырылғаны – 199,5 млн акция. 9,8 млн. акция сатып алынды, айналымдағы қарапайым акциялардың саны 189,684 млн.

Kaspi Bank тобының 2023 жылдың тоғыз айындағы таза пайдасы 346,8 млрд теңге, меншікті капиталы – 663,5 млрд теңге, активтері – 5,9 трлн теңге, міндеттемелері – 5,3 трлн теңге. 2023 жылдың желтоқсанында Kaspi Bank осы жылдың ішінде төртінші рет дивиденд төлейтіні белгілі болды. Дивиденд мөлшері бір жай немесе артықшылықты акцияға 2,3 мың теңгені құрайды. Төлемдердің жалпы сомасы 43 миллион теңге болуы керек. Дивидендтерді төлеу 21 желтоқсанда басталды және келесі үш айда жалғасады.

Kaspi.kz қаржылық технологиялар индустриясында төлем, сауда платформасы және «супер қолданбаны» басқарады. 2023 жылдың 30 қыркүйегіндегі жағдай бойынша оның тұтынушыларға арналған қолданбасын ай сайынғы 13,5 миллион адам қолданады. Олардың 65%-ы оны күнделікті пайдаланады.

Kaspi.kz сонымен қатар саудагерлерге ай сайын шамамен 565 000 белсенді пайдаланушысы бар электрондық коммерция қолданбасын ұсынады. Kaspi.kz табысының 99%-дан астамы Қазақстаннан келеді, дегенмен компания Әзірбайжан мен Украинада да бар.