Синоптиктер бүгін Қазақстанның көптеген өңірлеріндегі жауын-шашын және қатты жел болады деп болжайды. Еліміздің кейбір облыстарында желдің екпіні 28 м/с жетеді, деп хабарлайды «Қазгидромет».
Синоптиктердің мәліметінше, 2 қаңтарда Астанада қарлы боран, көктайғақ болады. Жел оңтүстік-батыс, батыс екпіні 15-20, кейде 25 м/с. болады деп күтілуде.
Ақмола облысы
Көкшетауда қарлы боран болады деп күтілуде. Жолдарда көктайғақ бар. Желдің екпіні 15-20 м / с.
Қарағанды облысы
Қарағанды облысының батысында, солтүстігінде, шығысында боран, көктайғақ күтіледі. Жел екпіні 15-20 м / с, кейде тіпті 23-28 м/с болуы мүмкін.
Ақтөбе облысы
Ақтөбе облысының орталығында қарлы боран күтіледі. Ақтөбеде жел 15-20 м/с, жел 18 м/с болады.
Абай облысы
Семейде боран, көктайғақ болады.
Шығыс Қазақстан облысы
Күндіз облыстың солтүстігінде қалың қар, боран, көктайғақ күтіледі. Оңтүстік-шығыстан оңтүстік-батысқа ауысатын жел 15-20, екпіні 23-28 м/с. Өскеменде 2 қаңтарда таңертең және түстен кейін боран, көктайғақ күтіледі. Өңірде жел екпіні 17-22 м /с болмақ.
Павлодар облысы
Облыста қарлы боран, көктайғақ күтілуде. Оңтүстік-батыс жел, 15-20, екпіні 23-28 м/с.
Қостанай облысы
Облыстың көп бөлігінде боран, көктайғақ, тұман болады.
Түркістан облысы
2 қаңтарда облыстың оңтүстігінде, таулы және тау бөктерінде тұман күтіледі. Облыстың таулы аудандарында солтүстік-батыстан 15-20 м/с жел соғады.
Батыс Қазақстан облысы
Күндіз облыстың батысында, солтүстігінде қарлы боран, көктайғақ күтіледі. Солтүстік-батыстан оңтүстікке ауысатын жел, екпіні 15-20 м/с дейін жетеді.
«Атлантикалық циклонның және онымен байланысты атмосфералық фронттардың әсерінен Қазақстан Республикасының барлық аумағында ауа райының тұрақсыз сипаты сақталуда», – делінген хабарламада.
Еске сала кетер болсақ, 2-4 қаңтарда Ақмола, Абай, Жетісу облыстарында республикалық маңызы бар автожолдардың 11 учаскесінде жол жабылатыны жайлы жазған болатынбыз.
