Украиналық миллионерге қаржы пирамидасын құрғаны үшін Қазақстанда іздеу жарияланды

Қазақстанда Украиналық миллионер Вадым Машуровқа Sincere System Group (S-Group) қаржы пирамидасы туралы іс бойынша іздеу жарияланды. Оған байланысты ақпарат құқықтық статистика органдарының порталында пайда болды. Украиналық БАҚ- тың хабарлауынша, ол Instagram желісінде Instime және s-Group инвестициялық платформасын құрған.

Машуров деген кім. Бірқатар украиналық бұқаралық ақпарат құралдарының ақпаратына сәйкес, Вадым Машуров — украиналық кәсіпкер және елдегі IT-бизнестің ең табысты өкілдерінің бірі. Ол Instime жобасын қалаушы. Бұл жоба » жарты жылдың ішінде жүзден астам елге таралды және оның капиталдандырылуы миллиондаған доллармен өлшенеді». 2020 жылдың қыркүйегінде Instime-ді қытайлық China Convergence Fund инвестициялық компаниясы сатып алғаны белгілі болды.

Машуров сонымен қатар S-group және SS-group сияқты танымал Sincere Systems қаржылық пирамидасының ұйымдастырушысы. 2022 жылы Украинаның «Бас in UA» басылымы S-Group «Ұлыбританияда тіркелген, жарғылық капиталы мен қызмет түріне сәйкес келетін лицензиялары бар компания» деп жазды. Сондай-ақ басылымның материалында «Вадым Машуровтың алаяқтық туралы айыптаулары беделіне нұқсан келтіру мақсатында жасалған сияқты»делінген.

«S-Group компаниясының өкілдері салымшыларға айына 6%-дан 8%-ға дейін немесе жылына 70%-дан астам жоғары кірісті уәде еткен. Салымның ең төменгі сомасы – 100 АҚШ доллары. Сондай-ақ салымшыларды өзіне тартқан жағдайда соманың 5% мөлшерінде кепілдендірілген табыс алу көзделген»,– деп хабарлады ҚР Қаржы мониторингі агенттігі.

АФМ мәліметтері бойынша, клиенттерге ақшаны қабылдау фактісін растайтын қандай да бір құжаттар мен шарттар ұсынылмаған, салым сомасы жеке кабинетте цифрлық түрде көрсетілген, салынған ақшаны алу мүмкіндігі болмаған.