Tesla 94 миллиард доллар шығынға ұшырады-Bloomberg
2024 жылдың екі аптасында Tesla электромобиль компаниясы 94 миллиард доллар нарықтық құнын жоғалтты. Бұл компанияның негізін қалаушы Илон Маск үшін «жылдың ең нашар бастамасы», деп жазады Bloomberg агенттігі.
Bloomberg мәліметтері бойынша, бұл компания ашылғанннан бергі ең нашар көрсеткіш. Жыл басынан бері бұл компания 94 миллиард долларлық нарықтық құнын жоғалтты. Бұл жағдай Қытай тарапынан бәсекелестіктің күшеюіне және көліктерге деген сұраныстың төмендеуіне байланысты.
Компания алғаш рет үшінші тоқсандағы кірістер мен шығыстар туралы қазан айындағы есебінде электромобильдерге сұраныстың баяулауы туралы ескертті. Қаңтар айында BYD-і бар қытайлық автомобиль өндірушісі жыл қорытындысы бойынша АҚШ-тың жалпы автокөлік сату компаниясынан озып кеткені белгілі болды. Сонымен, BYD 2023 жылы 3 миллион машина сатты, ал Tesla — 1,84 миллион.
Еске салайық, бұл компания қауіпсіздік белбеулерінің ақауына байланысты 16 мыңға жуық электр көлігін кері қайтаруды бастаған болатын. Бұл туралы АҚШ Ұлттық жол қозғалысы қауіпсіздігі басқармасы хабарлаған еді.
Негізінен 2021-2023 жылдары шыққан Model S және Model X көліктері қайтарылып жатыр. Бұл көліктердің қауіпсіздік белдіктері дұрыс бекітілмегендіктен, босап кетуі мүмкін екендігі айтылады.
Еске салайық, қазан айында Tesla зауыттарының жоспарланған тоқтатылуына байланысты әлемдік нарыққа шыққан көлік саны кеміді. Шілде-қыркүйек айларында Tesla әлемдік нарыққа 435,059 көлік жеткізген, ал алдыңғы тоқсанда 466,145 көлік шығарған. Бұл жайлы компания хабарлады.
2023 жылдың ІІ тоқсанына қарағанда үшінші тоқсанда жеткізілімдер біршама қысқарған. Refinitiv сауалнамасына қатысқан сарапшылардың айтуынша, орта есеппен 461 мың көлік жеткізіледі деп күтілген.
Компания есебіне сүйенсек, III тоқсанда Model 3 және Мodel Y cынды бюджеттік модельдерінің жеткізілімдері 419 074, ал оған қарағанда біршама қымбатырақ Model S және Model X сынды модельдердің жеткізілімі 15 985 болды.
