ҚНРДА Қазақстанда шетел банктерінің филиалдарын ашуға қойылатын талаптарды жеңілдетпек
Қаржы нарығын реттеу және дамыту агенттігі Қазақстанда шетел еншілес банктердің филиалдарын ашуға қойылатын талаптарды жеңілдету жөніндегі заң жобасын дайындады. Жақын арада бұл түзетулер Парламентке жіберілетін болады. Бұл туралы Kapital басылымына ҚНРДА төрағасының орынбасары Олжас Қизатов айтып берген.
Агенттік Қазақстанда еншілес ұйымдар мен филиалдарды ашу кезінде банктер өткізуі тиіс құжаттар тізімін қысқартқан.
«Тікелей болмаса да, бір-бірін қайталайтын құжаттар болды. Яғни ревизия жүргізгеннен кейін елуге жуық құжат барын түсініп, осы тізімнің едәуір бөлігін қысқарттық», – деді Қизатов.
Ол негізгі шарттар – қаржылық тұрақтылық пен іскерлік беделге қойылатын талаптарды төмендетуге ниет жоқ екенін атап өтті. Агенттік төрағасының орынбасары кейбір шетелдік банктер Қазақстанда филиалдар ашуға мүдделі екенін айтты. Оңтүстік Кореядан, Таяу Шығыстан, соның ішінде Катардан, сондай-ақ, Шығыс Еуропадан келген инвесторлар барын атап өтті. Әзірге олардың ешбірі тікелей ҚНРДА-ға өтініш білдірмеген.
«Қалай болғанда да, нарыққа ірі халықаралық банктердің келуін қалаймыз. Бұл банк секторының одан әрі сапалы өсуіне оң әсер етеді деп санаймыз», – деп түйіндеді спикер.
Заң жобасына өзгеріс енгізу туралы
Айта кетейік, 2023 жылы тамыз айында шетелдік банктер үшін талаптар жеңілдейтіні белгілі болған. Қазақстан Республикасы Ұлттық Банкі Басқармасының 2012 жылғы 24 желтоқсандағы № 385 қаулысына өзгеріс енгізіледі. Бұл жобаның мақсаты – көрсетілген банктің банк холдингі мәртебесі бар басқа қаржы ұйымының акцияларына иелік ету арқылы банктің акцияларын жанама иеленетін ҚР резиденті емес ЗТ үшін кедергілерді жою және осындай тұлға ҚНДР-ның жанама банк холдингі мәртебесін алуға келісімін алуға құқылы критерийлерді белгілеу.
«Болу қажеттілігі қаржы ұйымдарының, Қазақстан Республикасының бейрезиденті-банктері филиалдарының, Қазақстан Республикасының бейрезиденті-сақтандыру (қайта сақтандыру) ұйымдары филиалдарының қызметін реттейтін Қазақстан Республикасының заңнамасына сәйкес талап етілетін заңды тұлғалар және елдер үшін ең төменгі рейтингіні, осы рейтингіні беретін рейтингілік агенттіктер тізбесін белгілеу туралы» Қазақстан Республикасы Ұлттық Банкі Басқармасының 2012 жылғы 24 желтоқсандағы № 385 қаулысына (Нормативтік құқықтық актілерді мемлекеттік тіркеу тізілімінде № 8318 болып тіркелген) өзгеріс енгізілсін», делінген құжатта.
Жобаға сәйкес ЗТ-көрсетілген банктің банк холдингі мәртебесі бар басқа қаржы ұйымының акцияларына иелік ету арқылы банктің акцияларына жанама иелік ететін ҚР бейрезиденті ең төмен халықаралық рейтинг болмаған кезде жанама банк холдингі мәртебесін алуға ҚНРДА келісімін алуға құқылы критерийлерді белгілеу ұсынылған.
«Жоба ЗТ-көрсетілген банктің банк холдингі мәртебесі бар басқа қаржы ұйымының акцияларына иелік ету арқылы банктің акцияларын жанама иеленетін ҚР бейрезиденттерінің кедергілерді жою мақсатында әзірленді», делінген құжатта.
Жобаны Қаржы ұйымдарының әдіснамасы және пруденциалдық реттеу департаменті жүзеге асырады. Қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
