Қытай 2024 жылы экономиканың өсу қарқынын 5% деңгейінде сақтауға ниетті
Қытай басшылығы 2024 жылы экономикалық өсу мүмкіндігін 5% деңгейінде ұстап отыруға ниетті. Бұл өткен жылғы көрсеткіштен сәл жағары.
Толығырақ
Биылғы жылы экономиканы 5% – ға арттыру мақсатын ҚХР Мемлекеттік кеңесінің Премьері Ли Цян Бүкілқытайлық Халық Өкілдері Жиналысының Съезінің ашылуы кезінде айтты. «Бұл мақсатқа жету бізге оңай емес. Барлық майданда саяси қолдау мен бірлескен күш қажет», дейді ол. Бұл туралы Bloomberg агенттігі жазды.
WSJ сауалнамасына қатысқан экономистердің айтуынша, биылғы жылы Қытайға экономиканың өсу қарқынын ұстап тұру оңай болмайды. Яғни елдің экономикасының алдында тұрған негізгі мәселелерді ескеру қажет. Яғни жылжымайтын мүлік секторындағы ұзаққа созылған құлдырау, тұрақты дефляциялық қысым және тұтынушылардың төмен сұранысы. Сонымен қатар, Батыспен шиеленістің артуы да өз кесірін тигізді. Биылғы жылы сауда саласындағы келіспеушіліктер шиеленісуі мүмкін. Өйткені Қытай елдегі ішкі тұтынушыға қарағанда көбірек технологиялық өнімдерді, әсіресе электромобильдер мен күн батареяларын шығаруда.
Bloomberg және WSJ сауалнамасына қатысқан экономистердің барлығы дерлік Бейжің өткен жылдың ЖІӨ-нің 5% өсу мақсатын қайталайды деп болжап отыр. Дегенмен нарықтық консенсус ел экономикасының 4,6%-ға ғана өсуін күтеді. Қытай саясаткерлері 1994 жылдан бастап ЖІӨ-нің мақсатты көрсеткіштерін белгілеп келеді. Өзгешелік тек пандемия кезінде 2020 жылы болды. Әзірге Бейжің белгіленген мақсатқа екі рет қана қол жеткізе алмады. Екіншісі 2022 жылы ел экономикасының өсу қарқыны тек 3% ғана болған.
Соңғы айларда экономиканы қолдау шаралары аясында Қытайдың қаржы жүйесі өтімділікті арттыру және жылжымайтын мүлік секторын қолдау үшін несие мөлшерлемелерін төмендетті. WSJ-тің пайымдауынша, соңғы деректерге сәйкес, мұндай қадамдар тиімділігі аз болды. Өндірістік қызмет әлі де қысқаруда. Сондай-ақ, жаңа ғимараттардың сатылымы төмеп жатыр.
Сарапшылар не дейді
Биылғы жылы базаның жоғарылауына байланысты Қытай 2024 жылы экономиканың өсу қарқынын 5%-ға сақтауға ниетті. Мақсатқа жету үшін 2023 жылдың 4,2%-бен салыстырғанда тоқсан сайын орташа есеппен 5,3%-ға өсуі қажет болады, деді Capital Economics сарапшылары.
Pegasus Fund Managers басқарушы директоры Пол Понг елдің ЖІӨ-нің шамамен 20% – ы дәстүрлі түрде жылжымайтын мүлік секторын қамтамасыз етті және тұрғын үй сатылымы төмендеген жағдайда Үкімет тұтынуды ынталандырады деп санайды.
«Электромобильдер, спорттық киімдер және денсаулық сақтау бұл ең көп пайда әкелетін салалар»-деп атап өтті Понг.
«Нарық әлі де Бейжіңнен құрылыс салушылар мен тұтыну секторын ынталандырудың мықты мүмкіндіктерін күтуде»,- дейді Abrdn инвестициялық директоры Син Яо Нг.
Оның айтуынша, Қытайдың ЖІӨ-нің өсуі мен биылғы бюджет тапшылығы бойынша мақсаттары трейдерлерге ұнамауы мүмкін. «Әзірге жасалған мәлімдемелер көңіл көншітпейді және инвесторлар экономиканы ынталандыру үшін неғұрлым қатаң фискалдық шараларға қызығушылық танытады», – деп қосты ол.
Айта кетейік, Әлем арзан тауарлардың импортынан екінші «қытайлық шокты» бастан кешірмек.
