Mitsui E&S Co шағын жапондық кеме жасау компаниясының акциялары Toyota-ның бағалы қағаздарын басып озды

Mitsui E&S Co шағын жапондық кеме жасау компаниясының акциялары Токио қор биржасында көп сатылғаны сонша, өтімділігі жағынан Toyota Motor-дың құнды қағазын басып озды. Сарапшылардың айтуынша, Mitsui акциялары алыпсатарлар арасында өте танымал.

Толығырақ

Bloomberg-тің пайымдауынша,  Mitsui E&S-  акцияларының сауда-саттық көлемі сәрсенбі қорытындысы бойынша 290 млрд иенді (1,9 млрд долларды) құрады. Ал Toyota-ның құнды қағаз саудасы тек 120 миллиард иенді (0 0,8 миллиард) көрсетті. Сонымен қатар, Toyota-ның нарықтық капитализациясы Mitsui E&S-тен шамамен 230 есе көп, деп атап өтті Bloomberg.

Bloomberg ақпаратына сүйенсек, Mitsui E&S  акциялары сауда қорытындысы бойынша 8,6%- ға – 2596 иенге дейін ( 17,3 долларға) қымбаттады.

Toyota Motor акциялары биржада барлық уақыттағы жабылу бағасының жаңа рекордын орнатты– 3769 иен ( 25,2 доллар). Акциялардың құны 1% – ға көтерілді. 2024 жылдың басынан бері олар 45,5% – ға өсті.

Mitsui акцияларының өсуі

Кеме жасау компаниясының акциялары алыпсатарлық трейдерлер арасында танымал, дейді Matsui Securities  нарық талдаушысы Томоичиро Кубота. «Компанияның нәтижелері жақсы болды, бірақ акциялардың өсуінің себептерін көру қиын», — дейді сарапшы.

Жапония рекорды

Жапондық негізгі Nikkei қор индексі 225 4 наурызда жаңа рекорд орнатты және алғаш рет 40 000 пунктен асты.  Жабылу кезінде индекс 40 109 пункті құрады. Жапон нарығы әлсіз иеннің арқасында шетелдік инвесторларды тартты. Sumitomo Mitsui DS Asset Management компаниясының бас стратегі Масахиро Ичикаваның айтуынша, нарықта қысқа мерзімді түзетулер болса да, инвесторлар жапондық акциялардың өсуін жалғастыра алатындығын болжады.