Азиядағы алтын бағасы рекордты жаңартты
Бейсенбі күні алтынның құны Азиядағы биржада рекордтық деңгейге көтерілді. Бұған АҚШ Федералды резервтік жүйесінің төрағасы Джером Пауэллдің мәлімдемелері ықпал етті. Пауэлл, конгресте сөйлеген сөзінде ФРЖ 2024 жылы пайыздық мөлшерлемені төмендетуді сақтайтынын айтқан болатын.
Толығырақ
Investing.com мәліметіне сәйкес, бүгін таңертең Азия биржаларында құнды металдың бір унциясы 2,161 долларға көтерілді. Осылайша рекордтық деңгейге жетті.
Ралли инвестициялық сұраныстың өсуінің арқасында нығайды
Азияда басқа да бағалы металдардың саудасы тұрақты. Қазір платина фьючерстерінің бір унциясы орташа есеппен 913,8 доллар көлемінде. Күміс фьючерстері аздап төмендеді — бір унциясы 24,5 долларды құрайды.
Джером Пауэлл конгрессте не деді?
ФРЖ басшысы Конгресте сөйлеген сөзінде АҚШ-тың пайыздық мөлшерлемесінің әзірге өспейтінін айтқан болатын. Ол ақша-несие саясатының ағымдағы циклі шарықтау шегіне жеткенін де алға тартты.
«Егер экономика осы деңгейде қарқында дами беретін болса, онда биылғы жылы саясатты жеңілдетуді бастау орынды, – дейді Пауэлл.
Қазір таңда инвесторлар жұма күні АҚШ-тың ауылшаруашылық емес секторында жұмыспен қамту статистикасын жариялауды күтіп отыр. Investing.com пайымдауынша, еңбек нарығы туралы мәліметтер ФРЖ үшін ставкаларды түзету кезінде маңызды факторлардың бірі. Пауэллдің айтуынша, еңбек нарығының және жалпы америкалық экономиканың динамикасы ФРЖ-ға «ставкаларды төмендетуге» мүмкіндік береді.
Алтын ралли
ФРЖ басшысының мәлімдемелерінен кейін бірден алтынның құны шамамен 1% – ға өсті. Сондай-ақ жаңа рекорд орнатты – 2,149,25 доллар. Bloomberg ақпаратына сәйкес, осы аптадағы алтын бағасының өсуі көптеген сарапшыларды таңқалдырды.
StoneX Financial нарықты талдау бөлімінің бастығы Рона О ‘ Коннелл бір унция үшін 2 115 доллардан асатын баға тым жоғары деп санайды. Өткен аптаның соңында экономикалық көрсеткіштер техникалық және импульстік сауда-саттықты тудырғанды деп атап өтті ол.
