АҚШ-тағы инфляция және бөлшек сауда: осы аптада инвестор нені білуі қажет

 АҚШ-тың қор индекстері өткен аптада технологиялық компаниялардың акцияларын сатқаннан кейін теріс нәтижемен аяқталды. Nasdaq Composite бір аптада 1,2% жоғалтып, S & P 500 0,3% төмендеді. Бұған өткен аптаның соңында сатылымға инвесторларды технологиялық сектордағы кірісті тіркеуге мәжбүр еткен жұмыспен қамту туралы даулы есебі себеп болды.

Yahoo Finance жазғандай, осы аптада инвесторлар Федералды резервтік жүйенің 20 наурызға белгіленген отырысына дейін үлкен сынақтан өтеді. Сейсенбі күні АҚШ-тағы инфляция туралы мәліметтер шығып, ал аптаның екінші жартысында жаңа бөлшек сауда статистикасы пайда болады.

 11 наурызда Casey ‘ s General Stores және Oracle тоқсандағы қаржылық нәтижелер туралы есеп береді.

Сейсенбі, 12 наурызда АҚШ-тың Федералды еңбек статистика бюросы ақпан айындағы тұтыну бағаларының индексін шығарады. Қаңтар айында инфляция күтпеген жерден жоғары болды. Бұл Уолл-стриттің ставкалардың тез төмендеуіне деген үмітінің  үзуіне себеп болды. Dow Jones Newswires жазғандай, инвесторлар ақпан айында инфляция деңгейінің сақталуын қадағалайды. MarketWatch консенсус-бағалауы ақпан айында тұтыну бағасының жылдық мәнде 3,1% – ға өсуін болжады. Консенсус бағалауы бойынша, Core CPI индексінің өсуі азық-түлік пен қуат тасымалдаушылар  бағасын ескермегенде   ақпан айында 3,9% – дан 3,7% – ға дейін баяулауы қажет болған.

Archer-Daniels-Midland және On Holding-те кірістер туралы есеп береді.

Сәрсенбі, 13 наурызда Dollar Tree, Lennar және Williams-Sonoma тоқсандық есепті ұсынады.

Бейсенбі 14 наурызда, санақ бюросы АҚШ-тың ақпан айындағы бөлшек сауда деректерін хабарлайды. Экономистер орташа есеппен бұл көрсеткіш былтыр  наурыз айынан бастап бөлшек сауда  0,8% – ға төмендегеннен кейін, ол айлық мәнде 0,8% – ға өседі деп болжайды. Мұндай динамика тұтынудың өсуін жылдық мәнде 2% – дан жоғары ұстауға мүмкіндік береді.

Тоқсандағы кірістер туралы мәліметтерін  Adobe, Dick ‘ s Sporting Goods, Dollar General және Ulta Beauty жариялайды.

Жұма, 15 наурызда Мичиган университеті наурыз айындағы тұтынушылардың индекс нәтижелерін шығарады. Ақпан айында тұтынушылардың  3 жылға жоспарланған инфляция көрсеткіштері 3% құрайды деген болжам бар.

Сондай-ақ тоқсандағы қаржылық есептің нәтижелерін Jabi хабарлайды.

Айта кетейік, уолл-стрит сарапшылары: қор нарығындағы «көпіршікке» қатысты алаңдауды асыра сілтеу деп бағалайды.