Ресейлік маркетплейс бір жыл ішінде Қазақстандағы табысын 5 есе арттырған
Ресейлік Ozon маркетплейсі бір жыл ішінде Қазақстанда 424 млрд рубль пайда тауып, Қазақстандағы сауда айналымын 5 есе өсірген.
Компанияның кірісі 2023 жылға қарай жылына 53%-ға өсті және негізінен қызмет көрсетуден түскен кірістің өсуіне байланысты 424 миллиард рубльге жетті. Қызмет көрсетуден түскен түсім 2023 жылдың 4 тоқсанында жылына 49% және 2023 жылдың соңына қарай жылына 82% өсті.
Ozon Қазақстан 2021 жылдан бастап елімізде логистикалық инфрақұрылымды дамытып келеді. Қазір компанияның өңірдегі логистикалық қуаттылығы жайын айтар болсақ, Алматы мен Астанада 2 фульфилмент-орталығы бар. Ал тапсырыс беру пунктерінің саны 2023 жылы 27 есеге артып, 2022 жылмен салыстырғанда 1300-ден асты.
Әлім бойынша, компания ақпаратына сүйенсек, 2023 жылы Ozon айналымы 2022 жылдың қорытындысымен салыстырғанда 111% өсіп, 1,75 трлн рубльден асқан. Қазіргі нәтижелерге сай, 2024 жылы компанияның сауда айналымы жыл сайын шамамен 70% өседі деп күтілген.
2023 жылдың қорытындысы бойынша белсенді сатушылар саны екі есеге артып, Қазақстанда 450 мыңға жетті. Ал сатып алушылар саны 2022 жылы 35,2 миллион болса, 2023 жылы 46,1 миллион адам болған.
Компания Ресейде және ТМД елдерінде платформаны дамытуға және логистикалық инфрақұрылымды кеңейтуге инвестицияларды белсенді түрде арттыруды жалғастыруда. Қоймаларының жалпы ауданы бір жыл ішінде 87% өсіп, 2,5 миллион шаршы метрден асқан. Тапсырыс беру серіктестік пунктері 2,5 есе өсіп, 45 мың пунктен асты.
Оzоn – дамыған логистикалық желісі бар көп санатты маркетплейс. Компания Қазақстанда, Арменияда, Белорусьте, Ресейде, Қырғызстанда, Өзбекстанда, сондай-ақ Қытай мен Түркияда бизнес жүргізеді. Сайтта 20-дан астам санаттағы 370 миллионнан астам тауар атаулары бар.
Қазіргі кезде Қазақстанда 23 мың ресейлік компания тіркелген. 2023 жылы Ресей Федерациясынан Қазақстанға қоныс аударған компаниялар қатары айтарлықтай азайды. Дегенмен өзге елдермен салыстырғанда өсім динамикасы сақталған.
Бір қызығы, ресейлік компаниялар қатары «жаңа экономиканың» ресурстық емес секторларында – консалтинг пен IT-индустриясында басым.
