Қазақстандағы қант өндірісі бір жылда 98%-ға құлдыраған

Наурыз айында елімізде 276 тонна тазартылған қант пен химиялық таза сахароза өндірілді. Бірінші кредитік бюро мәліметі бойынша, бұл көрсеткіш 2023 жылғы наурызбен салыстырғанда 56 есе немесе 98,2%-ға төмен.

Қаңтар мен ақпан айында да қант өндірісінің көрсеткіші 7,5 мың тоннаға дейін, яғни 89%-ға құлдырады. Жыл басынан бері экспорт көлемі 33 мың тоннаға жетті. Бір жыл бұрын экспорт мүлдем жоқ болды деуге келеді.

Бірақ импорт ресми түрде бір жылмен салыстырғанда 2,6%-ға ғана өсіп, 96,6 мың тоннаны құрады. Зауыттар жақында Ресейден келетін өнімнің тым көптігіне шағымдануда. Былтырдан бастап Қазақстан кәсіпорындары нарықтағы қысымды сезіне бастады.
Ресей жақында қант экспортына шектеу енгізген болатын. Десе де Қазақстан үшін 120 мың тонна қантқа квота бөлген.

Жақында 2024 жылдың 31 тамызына дейін Қазақстан үшін қант квотасын тағы 100 мың тоннаға арттыратыны белгілі болды. Осылайша, қант квотасының жалпы көлемі 220 мың тоннаға жетпек.

26 наурыз бен 2 сәуір аралығында қант 1,4%-ға қымбаттады. Соңғы рет мұндай өсім 2022 жылдың тамыз айының басында тіркелген болатын.