Boeing корпорациясы Флорида штатындағы Кеннеди атындағы ғарыш орталығынан Starliner ғарыш кемесін бірінші рет ұшырды.
BBC хабарлауынша, бұл Starliner капсуласы мен экипажы бар Atlas V зымыран тасығышын ғарышқа ұшырудағы үшінші талпыныс. Бұған дейін техникалық себептерге байланысты ұшу тоқтатылған болатын.
Ғарыш кемесі бортында NASA астронавтары Батч Уилмор мен Сунита Уильямс бар. Олар Халықаралық ғарыш стансасында шамамен жеті күн болып, Starliner капсуласын ХҒС-та проблема туындаған жағдайда баспана ретінде пайдалануға болатынын тексеруі керек. Ғарышкерлер ХҒС-қа бүгін, 6 маусымда, жетуі керек.
Boeing корпорациясы Starliner ғарыш кемесін NASA-мен келісімшарт бойынша жасаған. Осы мақсатта компания 5 миллиард доллардан астам қаражат алды. Кеме жеті адамға дейін экипажға арналған.
Бұған дейін Қытай Айдың арғы бетіне ұшқышсыз ғарыш кемесін қондырған болатын. Ғарыш кемесі Айдың қараңғы бетінен тау жыныстары мен топырақ үлгілерін алып шықты.
