«Қазақтелеком» акционерлері Tele2 және Altel компанияларын сату туралы шешім қабылдады
«Қазақтелеком» акционерлері «Мобайл Телеком-Сервис» акцияларының 100 пайызын сату туралы шешім қабылдады. Бұл туралы Қазақстан қор биржасы жариялаған құжатта жазылған.
«2024 жылғы 31 мамырда «Қазақтелеком» АҚ Директорлар кеңесі «PIH Interconnect Ltd» компаниясымен ірі мәміле жасау арқылы «Мобайл Телеком-Сервис» ЖШС жарғылық капиталындағы 100% үлесті иеліктен шығару туралы шешім қабылдағанын хабарлайды», – деп хабарлады компания.
Акционерлердің басым бөлігі ұялы байланыс операторын сатуға дауыс берді. Аталған мәміледен түскен қаржы қандай мақсатта жұмсалады?
«Қазақтелеком» АҚ-ты дамыту мақсатында «Мобайл Телеком-Сервис» ЖШС сатудан түскен қаражатты (Қазақстан Республикасының қолданыстағы заңнамасына сәйкес салықтарды шегергеннен кейін) инвестициялық жобаларды іске асыруға, дивидендтер төлеуге пайдалану жоспарлануда. «Қазақтелеком» АҚ акционерлеріне және қарыз міндеттемелерін өтеуге «Қазақтелеком» АҚ уәкілетті органы қабылдаған шешім туралы заңнамада белгіленген тәртіппен акционерлерге хабарлайды», – деп хабарлады «Самұрық-Қазына» АҚ экономика және қаржы жөніндегі басқарушы директоры Айдар Рысқұлов.
Бұған дейін «Қазақтелеком» өзінің еншілес компаниясы «Мобайл Телеком-Сервис» (Tele2 және Altel брендтерімен жұмыс істейді) Катар холдингі Power International Holding (PIH) компаниясына сатылатыны туралы мәлімдеген.
Естеріңізге сала кетейік, «Қазақтелеком» компаниялар тобына кіретін операторлардың бірін сату туралы әңгіме Қазақстанда көптен бері айтылып келеді. Кейін компания жыл соңына дейін «Мобайл Телеком-Сервис» ЖШС-ні (Tele 2 және Altel брендтері) сататыны анықталды.
Қазіргі уақытта – компания «Мобайл Телеком Сервис» жалғыз акционері. Сондай-ақ мемлекеттік холдингке Kcell акцияларының 51%-ы тиесілі.
Кейін Қатардың Power International Holding холдингі Tele2 және Altel брендтерімен жұмыс істейтін «Мобайл Телеком-Сервис» ЖШС-ні сатып алуды жоспарлап отырғаны белгілі болды.
