АҚШ-тың шикі мұнай импорты бес жылдан кейін ең жоғары деңгейге жетті

АҚШ-тың шикі мұнай импорты өткен аптада 2018 жылдан бергі ең жоғары деңгейге көтерілді, деп хабарлады АҚШ-тың энергетикалық ақпарат басқармасы. Сәрсенбіде Мексикадан келетін мұнай көлемі қалпына келтіріліп, кеңейтілген Trans Mountain құбыры Канададан тасымалды арттырды. Бұл жөнінде Reuters басылымы жазды.

АҚШ-тың EIA деректеріне сәйкес Мексикадан мұнай импорты 7 маусымға дейінгі аптада тәулігіне 449,000 баррельге өсіп, 987,000 баррельге жетті. Бұл – жеті айдағы ең жоғарғы көрсеткіш.

Мексиканың мемлекеттік энергетикалық компаниясы Petroleos Mexicanos сәуір және мамыр айларында ішкі мұнай өңдеу зауыттарына көбірек мұнай жеткізу үшін экспортты қысқартты. Бірақ кейінірек мамыр айына жоспарланған экспорттық қысқартуларды кері қайтарды.

Канададан импорт тәулігіне 206 000 баррельге өсіп, 4 миллион баррельге жетіп, төрт айдағы ең жоғары межені көрсетті.

Бұл өсім мамырда ұзақ кідірістен соң, яғни Trans Mountain мұнай құбыры іске қосылғаннан кейін байқалды. Батыс жағалаудағы мұнай өңдеу зауыттары мамыр айының соңында Ванкуверде құбыр арқылы тасымалданатын және кемелерге тиелген шикі мұнай жөнелтілімдерін қабылдай бастады.

Батыс жағалауының импорты 601,000-нан 2 миллион баррельге дейін өсіп, 2022 жылдан бергі ең жоғары деңгейге жетті.