Машкевич, Ибрагимовтер мен Шодиевке қатысты компания еншілес ұйым құрды
Eurasian Resources Group (ERG) құрылымына кіретін «Қазхром» металлургиялық трансұлттық компаниясы «ХромтауТрансЭнерго» фирмасының 100% акциясына ие болды. Бұл туралы Қазақстан қор биржасының (KASE) хабарламасында жазылған.
Шешім 2024 жылдың 12 маусымында «ХромтауТрансЭнерго» тіркелген күні қабылданған. Оның құрылтайшысы – жылумен жабдықтау қызметтерін көрсететін «ҚазХром» компаниясы. «Курсив» ERG компаниялар тобынан еншілес ұйымның «қандай мақсатта құрылғанын және «Қазхромның» қызметіне әсері туралы сұраған.
«Бизнес процестерді оңтайландыру және бейінді емес қызметтерді бөлу мақсатында компания осы саладағы қызмет көрсетуге арналған жекелеген заңды тұлға құруды жөн санады. Еншілес ұйым құру және қызметті бөлу компанияның өндірістік қызметінің тиімділігіне және қаржылық көрсеткіштерге оң әсер етеді», — делінген «Курсивке» келген жауапты.
«Қазхромның» екі еншілес ұйымы бар – қоймалық қызметтер көрсететін «Дон мұнай базасы» (акциялардың 95,53%), сондай-ақ магистраль мұнай құбырлары арқылы су өндірумен айналысатын «Ақжар-хром» (акциялардың 100%). Сонымен қатар Eurasian Digital Ventures (54,54%), «ENRC Credit несиелік серіктестігі» (49,9%) және Business & Technology Services (37,99%) үлестеріне ие.
Мамыр айында Еуразиялық топтың (ERG) құрамына кіретін «Қазхром» металлургиялық трансұлттық компаниясы 2023 жылдың қаңтар-қыркүйек айлары үшін қарапайым және артықшылықты акциялар бойынша дивидендтер төлеу туралы шешім қабылдады.
«Қазхром» 1995 жылы 20 қазанда тіркелген. Қаржы есебіне сәйкес, «Қазхром» ТҰК» АҚ-ның тікелей бас компаниясы – Нидерландыда тіркелген KCR International B.V. Ал түпкі компаниясы – Eurasian Resources Group S.à r.l. ( «ERG») Люксембургте тіркелген. ERG-дің түпкі иелері: ҚР Қаржы министрлігі – 40%, Александр Машкевич және Ибрагимовтар отбасы – 20,7%, Патох Чодиев –18,6% пайыз акциясына иелік етеді.
Топтың негізгі қызметіне хром және марганец рудасын өндіру, хром рудасын сату, ферроқорытпаларды өндіру мен сату кіреді. Топтың өндірістік активтері Қазақстан Республикасында орналасқан. Оның құрамында Дөң тау-кен байыту комбинаты және «Ақжар-хром» компаниясы бар.
