Денсаулық сақтау министрлігі биологиялық белсенді қоспалар, балаларға арналған тағамдар мен киімдер және косметикалық заттарды жарнамалау қағидаларын бекітті.
Министр бұйрығы мемлекеттік тіркеуге міндетті өнімнің мемлекеттік санитариялық-эпидемиологиялық бақылауы мен қадағалауындағы жарнаманы жүзеге асыру тәртібін, сондай-ақ мемлекеттік тіркеуге міндетті жекелеген өнімнің жарнамасын жүзеге асыру ерекшеліктерін айқындайды.
Ереже қандай өнімдерге қатысты?
- Балалар тағамы, оның ішінде балалар тағамына арналған ауызсу;
- Диеталық емдік және диеталық профилактикалық өнімдер;
- Биологиялық белсенді қоспалар (БАД – ред.);
- Теріні ағартуға арналған парфюмерлік-косметикалық өнімдер;
- Татуировкаға арналған косметика;
- Интимдік косметика;
- Зиянды өндірістік факторлардың әсерінен теріні жеке қорғаудың парфюмерлік-косметикалық өнімдері;
- Балалар косметикасы;
- Шашты химиялық бояуға және ағартуға арналған парфюмерлік-косметикалық өнімдер;
- Шашты бұйралауға және тіктеуге арналған парфюмерлік-косметикалық өнімдер;
- Құрамында наноматериалдар бар парфюмерлік-косметикалық өнімдер;
- Депиляцияға арналған парфюмерлік-косметикалық өнімдер;
- Пиллинг;
- Дезинфекциялау құралдары;
- тұрмыстық химия өнімдері, лак-бояу материалдары;
- шаруашылық-ауызсумен жабдықтау жүйелерінде пайдалануға арналған құралдар;
- Ересектерге арналған жеке күтім заттары;
- Сүт емізіктері;
- Бір рет қолданылатын санитариялық-гигиеналық бұйымдар;
- Пластмассадан, шыныдан, металдан жасалған ыдыс-аяқ пен ас құралдары;
- Ток көздерімен жұмыс істейтін тіс щеткалары;
- 3 жасқа дейінгі балаларға арналған трикотаж және тоқыма материалдарынан жасалған шұлық, іш киім және шомылу киімі;
Жарнамаға қойылатын талаптар:
- ҚР аумағындағы жарнама қазақ тілінде, ал жарнама берушінің қалауы бойынша орыс немесе басқа да тілдерде таратылады;
- Мәтіндік жарнама оңай оқылуы, анық және түсінікті қаріппен басып шығарылуы керек; аудио жарнама анық аудио сүйемелдеуімен орналастырылуы керек; бейне жарнама анық дыбыстық және бейне сүйемелдеуімен орналастырылуы керек;
- Тұтынушыларды тауардың сипаттамаларына, құрамына, тұтынушылық қасиеттеріне, құнына), қолданудың болжамды нәтижелеріне, зерттеулер мен сынақтар нәтижелеріне қатысты адастырмау;
- Өнімнің (тауардың) сауда атауын және өндірушінің атауын қамтуға;
- Өнімнің мақсатын айқын көрсету;
- Өнім қай санаттағы адамдарға арналғанын көрсету;
- Жанама әсерлермен танысу туралы нұсқау;
- Мемлекеттік тіркеудің болуы туралы ақпарат.
Тыйым салынған:
- ҚР заңнамасымен өндіруге және (немесе) сатуға тыйым салынған өнімдерді (тауарларды) жарнамалау;
- мемлекеттік тіркеу туралы куәлігі жоқ өнімді (тауарларды) жарнамалау;
- жарнамадағы мемлекеттік органдардың лауазымды адамдарының ұсынымдарына сілтемелер, олар өз атақ-даңқының салдарынан өнімді (тауарларды) қолдануды және (немесе) тағайындауды көтермелеуі мүмкін.
- Министрлік бұйрығында өнімнің жекелеген түрлері үшін қосымша талаптар белгіленетіні жазылған.
