Қазақстан Республикасы Экология және табиғи ресурстар министрлігінің бюджет қаражатын игеру бойынша ай сайынғы деректерді ұсынды.
Ведомство биыл экология және табиғи ресурстар саласындағы қызметті үйлестіруге 8,7 млрд теңге жұмсамақ. 2024 жылғы 1 шілдедегі жағдай бойынша оның 3,7 млрд теңгесін игеріп үлгерген.
Ал орман ресурстары мен жануарлар дүниесін басқару, сақтау және дамытуға 56,9 млрд теңге қарастырылған. 1 шілдедегі жағдай бойынша 22,9 млрд теңге игерілген.
Гидрометеорологиялық және экологиялық мониторингті дамытуға биыл 12,2 млрд теңге бағытталмақ. Шілдедегі жағдай бойынша оның тең жартысы немесе 6,4 млрд теңге мақсатты жұмсалған.
Қомақты қаржы Қазақстан Республикасы экология және табиғи ресурстар министрлігінің қызметін қамтамасыз етуге жұсалмақ.
Бюджет шығыстары жалпы алғанда қоршаған ортаны қорғау, биологиялық әртүрлілікті сақтау, қалпына келтіру және жақсарту жөнінде жағдайлар жасау, табиғи ресурстарды ұтымды пайдалану және адам өмірі мен денсаулығы, экономика, бизнес үшін экологиялық қауіпсіздікті қамтамасыз ету сынды мақсаттарға бағытталады.
