Пайдалы бизнес: биотехнология мен фармацевтикаға инвестициялар
Биотехнология және фармацевтика секторына инвестициялау – заманауи нарықтағы болашағы зор мүмкіндіктердің бірі. Бұл салалар ғылыми инновациялардың алдыңғы қатарында және де серпілісті емдеу әдістері мен медициналық технологияларды ұсынады. Олар денсаулық сақтау жүйесін түбегейлі өзгертіп, миллиондаған адамның өмір сүру сапасын жақсартуға қабілетті. Бұл ретте халықтың қартаюына, сондай-ақ созылмалы аурулардың таралуының ұлғаюына байланысты озық медициналық шешімдерге деген сұраныс артуда. Бұл осы салаларда жұмыс істейтін компаниялардың ұзақмерзімді және сенімді түрде дамуы үшін орнықты негіз жасайды.
Перспективалар
- Инновациялар мен жетістіктер. Биотехнология және фармацевтика салалары инновациялардың қозғаушы күші, яғни компаниялар үнемі жаңа препараттарды, гендік терапияны және диагностикаға арналған құралдарды әзірлеп отырады. Осының нәтижесінде, бұл жетістіктерге, әсіресе, жаңа препарат немесе технология реттеуші органдарда сертификаттаудан өткенде және коммерциялық табысқа жеткенде, инвестициялар үшін айтарлықтай мүмкіндік бар.
- Денсаулық сақтауға деген үміттің артуы. Халықтың қарқынды түрде қартаюы және созылмалы аурулардың таралу деңгейінің үнемі артуы озық медициналық технологияларға деген сұранысты ынталандырады. Бұл үрдіс денсаулық сақтау мәселелерін тиімді шешуге қабілетті компаниялардың өсуін қолдау үшін негіз болады.
- FDA мақұлдауынан өсу әлеуеті. АҚШ-тың Азық-түлік және дәрі-дәрмектер басқармасының (FDA) тиісті сертификаттарын алса, компанияның акциялар құны айтарлықтай өсуі мүмкін. Нарыққа шығатыны және жаңа препараттың сатылымы басталатыны туралы хабарландырулар нарықтық капиталдандыруды және кірістілікті айтарлықтай арттыруы мүмкін.
- Стратегиялық серіктестік және бірігу. Биотехнологиялық фирмалар мен ірі фармацевтік компаниялар арасындағы ынтымақтастық, сондай-ақ қосылу және бірігу жиі болып тұратын жағдай. Бұл серіктестіктер өнімдерді әзірлеуді жеделдету және жетілдіру процесіне әсер етуі, нарыққа шығу мүмкіндігін жақсартып, инвесторлар үшін қосымша құндылық тудыруы мүмкін.
- Дербес медицинаны дамыту. Геномика және жасанды интеллект сияқты технологиялар дербестендірілген медицинада тың мүмкіндіктер ашады. Бұл емдеудің тиімді әрі жеке шешімдерін жасауға мүмкіндік береді, бұл өз кезегінде компаниялардың нарықтық әлеуетін арттырады.
Nova One Advisor компаниясының соңғы зерттеуіне сәйкес, 2023 жылы әлемдік биотехнологиялар нарығының көлемі 1,54 триллион АҚШ долларына бағаланды және 2033 жылға қарай 5,68 триллион АҚШ долларына жетеді деп болжануда, бұл 2024-2033 жылдары 13,95%-ды құрайтын орташа жылдық өсу қарқынымен (CAGR) ұлғайды.
Тәуекелдер
- Реттеуші кедергілер. Реттеуші органдардың сертификаттауы көптеген құжаттық рәсімдермен байланысты қиын да ұзақ жол. Болашағы бар бағыттардың көбі клиникалық сынақтардан өтпей жатады немесе нормативтік стандарттарға сәйкес келмейді, бұл айтарлықтай қаржылық шығындарға әкеледі.
- Зерттеулер мен әзірлемелерге жұмсалатын үлкен шығындар. Жаңа дәрі-дәрмектер мен медициналық технологияларды әзірлеу үшін зерттеулер мен әзірлемелерге (ҒЗТКЖ) айтарлықтай инвестициялар қажет. Бұл ретте, эксперименттік препараттардың аз ғана бөлігі нарыққа шығады, бұл ҒЗТКЖ-ны тым қауіпті және тұрақсыз етеді.
- Нарықтағы бәсекелестік. Биотехнологиялық және фармацевтика секторлары жоғары бәсекеге қабілетті. Бәсекелестік артықшылықты сақтап қалу үшін компаниялар үнемі жаңашылдық жасап отыруы керек, бұл жылдам өзгеретін жағдайларда, әлемдегі және жалпы нарықтағы жағдайларда қиын болуы мүмкін.
- Акциялардың құбылмалылығы. Биотехнологиялық және фармацевтік компаниялардың акциялары, әсіресе клиникалық сынақтар, реттеуші шешімдер және нарықтағы жағдайлар туралы жаңалықтарға байланысты өте құбылмалы болуы мүмкін. Бұл акциялар бағасының айтарлықтай өзгеруіне әкелуі мүмкін.
Болашағы бар компаниялар
Schrödinger, Inc. (SDGR)
Нысаналы бағасы – 35 доллар, әлеуеті – 56%
Schrödinger, Inc. дәрі-дәрмектің жасалуын және материалдардың әзірленуін жеделдету үшін өзінің есептеу платформасын пайдаланады. Компанияның бағдарламалық жасақтамасы зерттеушілерге молекулалық өзара әрекеттесуді жоғары дәлдікпен модельдеуге мүмкіндік береді. Бұл дәрі-дәрмектерге болашағы бар үміткерлерді анықтау процесін жеңілдетеді. Фармацевтика өнеркәсібі есептеу әдістерін көбірек енгізіп жатқан жағдайда, Schrödinger дәрі-дәрмектерді ашуда революция жасау үшін өзінің әлеуетімен ерекшеленеді.
CRISPR Therapeutics AG (CRSP)
Нысаналы бағасы – 84 доллар, әлеуеті – 45%
CRISPR Therapeutics AG трансформациялық генотерапияны әзірлеуге бағытталған жетекші биотехнологиялық компания. Компания CRISPR/Cas9 технологиясын пайдалана отырып, ауру тудыратын гендерді дәл өңдеу арқылы ауыр ауруларды емдеуге тырысады. CRISPR Therapeutics компаниясы орақ тәрізді жасушалы анемия және бета-талассемия сияқты ауруларды емдеуге бағытталған күшті портфелімен генетикалық медицинаның алдыңғы қатарында.
Illumina, Inc. (ILMN)
Нысаналы бағасы – 142 доллар, әлеуеті – 22%
Illumina, Inc. генетикалық талдауға арналған микромассивтерге негізделген секвенирлеу мен шешімдердің әлемдік көшбасшысы. Компанияның технологиялары дербестендірілген медицинаны, диагностиканы және биотехнологиялық зерттеулерді дамытуда шешуші рөл атқарады. Illumina компаниясының жаңа буынды секвенирлеу саласындағы инновациялары генетикалық ақпаратты неғұрлым қол жетімді етті. Бұл генетикалық ауруларды түсіну мен емдеудегі ілгерілеуге ықпал етеді.
Abbott Laboratories (ABT)
Нысаналы бағасы – 125 доллар, әлеуеті – 20%
Abbott Laboratories бұл — өнімдерінің ауқымы кең, соның ішінде диагностикалық құралдары, медициналық құрылғылары, азық-түліктері және брендтік дженериктері бар әртараптандырылған медициналық компания. Abbott компаниясының диагностика мен медициналық жабдық саласындағы жоғары орны оған денсаулық сақтау саласындағы шешімдерге деген сұраныстың, әсіресе, созылмалы ауруларды басқару және жылдам диагностикалау салаларында сұраныстың артуына мүмкіндік береді.
Legend Biotech Corporation (LEGN)
Нысаналы бағасы – 82 доллар, әлеуеті – 51%
Legend Biotech Corporation онкология және басқа да ауыр аурулар үшін жаңа жасушалық терапияны әзірлеуге бағытталған. Компанияның жетекші өнімі – CAR-T cilta-cel терапиясы, ол көптеген миеломаны емдеуде үлкен нәтижелер көрсетті. Legend Biotech-тің жасушалық терапияны ілгерілетуге деген ұмтылысы оның қатерлі ісік ауруларын емдеуде айтарлықтай ілгерілеуге жету мүмкіндігін көрсетеді.
Қорытынды
Инвесторлар биотехнологиялық және фармацевтік компанияларға инвестицияласа оларға жоғары кірістілік үшін бірегей мүмкіндіктер ашылады. Бұл компаниялар ең күрделі әрі қауіпті ауруларды емдеуге шешімдер ұсына отырып, ғылыми және медициналық инновациялар әлемінде танымал көшбасшылар болады. Дегенмен бұл саладағы табысқа жету жолы үлкен тәуекелдермен байланысты. Аталған тәуекелдер ұзақ және қымбат зерттеулермен, реттеуші кедергілермен және күшті бәсекелестікпен байланысты.
Schrödinger, CRISPR Therapeutics, Illumina, Abbott Laboratories және Legend Biotech, сияқты компаниялар өсудің зор мүмкіндігін көрсетеді және медициналық технологияларды дамытуда шешуші рөл атқарады. Олардың жаңа дәрі-дәрмектер мен терапияларды әзірлеудегі жетістіктері инвесторларға айтарлықтай пайда әкеліп қана қоймай, сондай-ақ бүкіл әлемдегі адамдардың денсаулығы мен өмір сүру сапасына айтарлықтай әсер етуі мүмкін.
Осы секторға ойдағыдай инвестициялау үшін компанияларды мұқият талдап, олардың ғылыми жетістіктерін, қаржылық жағдайын және стратегиялық жоспарларын бағалау қажет. Әртараптандырылған тәсіл және тәуекелдер туралы хабардар болу инвесторларға биотехнологиялық және фармацевтік компаниялар беретін мүмкіндіктерді барынша пайдалануға және ықтимал шығындарды барынша азайтуға көмектеседі.
