Ұлттық ғылым академиясы Ғылым және жоғары білім министрі Саясат Нұрбектің академиктер тізімі жаңартылып, экс-президент Нұрсұлтан Назарбаев бұдан былай тізімде жоқ деген мәлімдемесін жоққа шығарды. Ұйым академик мәртебесі өмір бойына берілетінін және ерекше жағдайларда ғана оның күшін жоюға болатынын алға тартты. Назарбаев әлі де академиктердің тізімінде.
24 шілде күні Ғылым министрі Саясат Нұрбек Президент Қасым-Жомарт Тоқаевтың шешімімен жаңа Ғылым академиясы құрылғанын хабарлады. Қазір онда 9 жаңа академик тіркеліп, бұрынғы академиктер ғылым академиясындағы лауазымынан айырылған.
Ал 25 шілде күні Ғылым академиясы министрдің сөзін мойындамайтын мәлімдеп, 146 адамның әлі де академик мәртебесі бар екенін алға тартты.
«Ұлттық ғылым академиясының академиктері жалпы жиналыста жасырын дауыс беру арқылы сайланады. Жарғыға және ондаған жылдар бойы қалыптасқан тәжірибеге сәйкес академик мәртебесі өмір бойына беріледі және жарғыда нақты белгіленген ерекше жағдайларда, Ғылым академиясы мүшелерінің дауыс беруі негізінде ғана алынып тасталынуы мүмкін», – делінген хабарламада.
Академияның сайтында Нұрсұлтан Назарбаев әлі күнге дейін академик ретінде көрсетілген.
Министрдің академияның таратылуы мүмкін деген сөзіне академиктер де көңілі толмайды. Заң бойынша бұл тек сот шешімімен ғана мүмкін болады. Жоғары лауазымды тұлғалардың араласуы немесе уәкілетті мемлекеттік орган басшысының шешімі «заңды немесе моральдық күшке ие емес» деп есептейді.
Сондай-ақ академиктер Президент Қасым-Жомарт Тоқаевтың Академияға мемлекеттік мәртебе беру туралы тапсырмасы әлі де орындалмағанын мәлімдеді. Оның орнына, академиктердің пікірінше, кейбір жоғары лауазымды адамдар «екі жыл бойы ғылыми ортаны жікке бөлуге, Қазақстан Республикасы Ұлттық ғылым академиясының қазіргі мүшелерін люстрациялауға және беделін түсіруге бағытталған агрессивті және дұшпандық әрекеттерді жасады».
