iPhone өндіруші Apple Intelligence атты жасанды интеллектісінің техникалық құжаттамасын жариялады. Одан нейрожелі бас компания Alphabet-тің Tensor Processing Unit (TPU) деген өз чипінде жұмыс істейтін Google-дің бұлтты қуатының базасында орналасқаны белгілі болды. Apple осылайша Nvidia чипіне ұрынбай, арзан жолын тапқан деп жазадыCNBC.
Толығырақ
Apple жариялаған техникалық құжаттамада өзінің ЖИ-і туралы біршама мәлімет бар. Apple Intelligence жүйесінің негізіндегі жасанды интеллект модельдерінің Google әзірлеген Tensor Processing Unit (TPU) процессорларында алдын ала оқытылғаны белгілі болды. Онда компания 2015 жылдан бері бұлтты сервер құрастырып келеді. Бұл жағдай технологиялық алпауыттардың алдыңғы қатарлы ЖИ үлгілерін оқыту үшін Nvidia-ның баламасын іздеп жатқанын көрсетеді деп есептейді CNBC.
Техникалық құжаттама дүйсенбі, 29 шілдеде, Apple Intelligence-тің кей құрылғыларға арналған алдын ала нұсқасы шыққаннан кейін жарияланды. Apple онда Google немесе Nvidia туралы ашық айтпайды, тек оның Apple Foundation Model (AFM) үлгісі мен AFM сервері «бұлттағы кластерлік TPU-да» оқытылғанын атап көрсетеді. Осыған және TPU техникалық сипаттамаларына сүйене отырып, сарапшылар компания Google бұлтты провайдері серверлерін жалға алған деген қорытындыға келді.
Үш жылға брондаған жағдайда Alphabet-тің ең жаңа TPU-ларының ақысы сағатына 2 доллар емес, одан төмен болады делінген оның сайтында.
Apple мен Google өкілдері CNBC-нің түсініктеме сұрап салған сұрауына жауап бермеді.
Контекст
Apple дүйсенбі, 29 шілде күні, Apple Intelligence-ті іске қосты. Бұл жүйе Siri-дің жаңартылған түрі, сөйленген сөзді өңдеудің жаңартылған түрі мен ЖИ тудыратын мәтіндік жауаптардан тұрады. Келесі жылы Apple генеративтік ЖИ негізіндегі функцияларды енгізуді жоспарлап отыр. Оның ішінде бейнелеу, эмодзи және пайдаланушының жеке ақпаратына кіріп, қосымшалар ішінде тапсырма орындай алатын жақсартылған Siri бар.
Алдыңғы қатарлы Nvidia графикалық процессорлары нарықта үстемдік етіп отыр. Бірақ олар бәріне түгел жетпейді. Сондықтан керек кезде негізгі ойыншылар үнемі балама іздейді. OpenAI, Microsoft және Anthropic өз модельдеріне негізінен Nvidia GPU-ді пайдаланады, ал басқа технологиялық компаниялар нарыққа кеңінен қарайды. Meta, мысалы, өзі әзірлеген Meta AI Research SuperCluster (RSC) чипін қолданады, Amazon-да AWS бар, Tesla ішкі қажеттіліктер үшін Dojo чипін шығарды, ал Alphabet-те TPU бар. Бұдан басқа нарықта Intel-ден Gaudi, AMD-ден MI300X AI, Broadcom-нан ASIC, ал Qualcomm-нан Cloud AI 100 бар.
Сөйте тұра Google-дің өзі – Nvidia-ның ірі клиентінің бірі. Ол ЖИ жүйелерін Nvidia GPU мен өзінің TPU-ында оқытады, сондай-ақ өз бұлтында Nvidia технологияларын алуды сатады.
Акция жайы
Apple қағаздары дүйсенбі, 29 шілде күні 0,13% – 218,2 долларға барып бекіді. Инвесторлар компанияның бейсенбі, 31 шілдеде беретін тоқсандық есебін күтіп отыр.
OpenAI өзінің SearchGPT іздеу жүйесін жасағанын хабарлағанда, яғни жұма, 26 шілдеде, бағасы түсіп кеткен Alphabet акциялары 29 шілдедегі саудада 1,5%-ға өсіп, 169,5 долларға жетті.
Дүйсенбі, 29 шілде күні, Nvidia бағасы 1,3% – 111,6 долларға түсті.
