«Қазатомөнеркәсіп» уран өндіруді 6%-ға арттырды, алайда сатылым 18%-ға төмендеді
«Қазатомөнеркәсіп» биылғы бірінші жартыжылдық есебін жариялады. Онда компания Қазақстан уран өндіруді жылына 6%-ға арттырғанын мәлімдеді.
2024 жылдың қаңтар-маусымында елде бір жыл бұрынғы 10 225 тонна уранмен салыстырғанда 10 857 тонна уран өндірілді. Екінші тоқсанда уран өндірісі 5% өсті.
Кәсіпорын 2024 жылға арналған өндіріс жоспарын арттырды. Оған сәйкес Қазақстан 22 500-23 500 тонна уран өндіруді жоспарлап отыр. Бұған дейін елімізде 21-22 500 тонна уран өндірілуі тиіс болатын.
Бұл ретте «Қазатомөнеркәсіп» пен оған еншілес компаниялардың шикізат сату көлемі бірінші жартыжылдықта 18%-ға, яғни 7,779 мың тоннаға дейін төмендеді. Ал бір фунт уран концентратының орташа сату бағасы 41%-ға өсіп, 66,22 долларды құрады.
«2024 жылдың екінші тоқсанында клиенттердің жеткізілімдерге сұраныстарын қабылдау мерзіміне байланысты топтың да, «Қазатомөнеркәсіптің» де шикізат сату көлемі жоғары болды. Алайда 2024 жылдың алғашқы алты айындағы сауда көлемі төмен болды», – делінген хабарламада.
Бұл ретте компания әр тоқсандағы сауда көлемі бір-бірінен айтарлықтай ерекшеленуі мүмкін екенін атап өтті. Ал тоқсан сайынғы сауда көлемі тұтынушылардың сұраныстары мен жеткізілім уақытына байланысты жылдан-жылға өзгеруі мүмкін.
Бұл ретте ұлттық компания уранның спот бағасының қымбаттауын да атап өтті. Бұл 2024 жылдың екінші тоқсанындағы орташа уран сату бағасына оң әсер етті. Көрсеткіш 2023 жылдың сәйкес кезеңімен салыстырғанда 41%-ға өсті.
«Компанияның ағымдағы келісімшарттық портфелі уранның спот бағасымен сәйкес келеді», – деп түсіндірді компания.
«Қазатомөнеркәсіп» компаниясы – уран мен оның қосындыларын, сирек металдарды, атом электр станцияларына арналған ядролық отынды және арнайы жабдықтарды экспорттайтын Қазақстанның ұлттық операторы. 2024 жылдың шілдесінде ҚР Қаржы министрлігі Ұлттық қор қаражаты есебінен компанияның акцияларын сатып алғаннан кейін компанияның акционерлік құрылымы мынадай болып өзгерді: «Самұрық-Қазына» қоры 63% акцияға иелік етсек, Қаржы министрлігі 12%, еркін айналымда тағы 25% акция бар.
Еске сала кетсек, «Қазатомөнеркәсіп» ұлттық компаниясының былтырғы таза пайдасы 580 млрд теңгені құрап, 23% артты.
