Алматы маңындағы мұздық көл ыстықтан жарылып кетуі мүмкін: тауға шығуға тыйым салынды
Талғар өзенінің бассейніндегі көл аптап ыстық пен мұздықтардың еруіне байланысты жарылып кетуі мүмкін деп хабарлады Алматы облысының әкімдігі. Жергілікті тұрғындар мен туристерге демалыс орындарына баруға тыйым салынды.
Алматы облысының тауларында мұздықтардың қарқынды еруі, көлдердің толуы және Талғар өзенінің арнасындағы ағынның ұлғаюы салдарынан күрделі сел қаупі сақталып отыр.
«Талғар өзені бассейніндегі №19 көлдің Солтүстік және солтүстік-шығыс бөлігінде су тасуы мүмкін ішкі мореналық каналдар арқылы ағып кетудің нақты қаупін тудырады. Селді болжау бойынша мұздық көлінің серпілісі 2024 жылдың 6 тамызынан күшеюі мүмкін», – делінген облыс әкімдігінің хабарламасында.
Талғар ауданының тұрғындары мен туристеріне Талғар қаласының жоғарғы бөлігінде орналасқан таулы жерлерге және демалыс орындарына баруға тыйым салынды.
«Талғар өзенінің арнасына жақын орналасқан тұрғын үйлердің иелерінен әлеуметтік желілерді, теледидар мен радио хабарларын мұқият тыңдауды сұраймыз. Электр сиреналарын қосқан кезде мұқият тыңдау керек», – делінген хабарламада.
2024 жылы наурыз айының ортасынан бастап Қазақстанның өңірлері су тасқынынан зардап шекті. Елде мұндай алапат су тасқыны соңғы 80 жылда болмаған.
