«Qarmet» компаниясына қарасты мердігер ұйымының екі жұмысшысы мерт болды

25 тамыз күні Теміртаудағы «Qarmet» АҚ-ның №2 листопрокат цехында оқыс оқиға болды. Qarmet-тің мердігер ұйымының екі жұмысшысы жазым болды.

Таңғы сағат 9:20 шамасында ғимарат шатырын бұзып жатқан кезде «Қазмеханомонтаж» ЖШС-ның екі қызметкері төбеден құлаған. Оқиға химиялық ұстау блогында болды. Компания жұмысшылар техника қауіпсіздігі ережелерін сақтамаған деп есептейді.

Екі жұмысшы оқиға орнында көз жұмды. Кәсіпорын жазатайым оқиғаның себеп-салдарын анықтау үшін арнайы комиссия құрылғанын хабарлады. Қаза тапқан Д. Иманғалиев 19 жаста, Ю. Самойлов 38 жаста болған.

Мамырда Қарағандыда «Qarmet-ке» қарасты Костенко атындағы шахтада К3 қабатының 4-конвейер кен орнынада түтін шықты. Бірақ шахтада ақау дер кезінде жойылып, жұмысшылар өрттен аман қалды.