![](https://cdn-kz.kursiv.media/wp-content/uploads/2024/08/2024-08-23t101858z_1304575542_rc2j69akkf8f_rtrmadp_3_global-markets-view-usa-edited-1536x863-1-1024x575.webp)
Трейдерлер ставкалардың мөлшері мен төмендеу жолы жайында дауласып жатыр, инвесторлар дивидендтік акцияларға көбірек мән береді, Қытай облигациялар нарығындағы доданы салқындатуға тырысады. Осы және өзге де тақырыптар туралы шолуымыздан оқыңыз.
Джексон-Хоулдағы конференция нәтижелері нарықты жандандыра түсті
Америкалық БАҚ 29 тамыз күні Джексон-Хоулда өтетін жыл сайынғы ФРЖ конференциясының нәтижелерін талдап талқылайды. Оған келген сарапшылар АҚШ экономикасы рецессияға ұшырамайды деген пікірді мақұлдайды деп жазды MarketWatch.
Шілде айындағы жұмыспен қамту туралы әлсіз мәліметтерден кейін, тамыз айының басынан рецессия туралы алаңдаушылық күшейе түсті. «Жұмсақ қону үшін ұшақты баяулату керек», – деді Джексон-Хоулдағы конференция қорытындысы бойынша пікір білдірген ФРЖ-нің бұрынғы вице-төрағасы Алан Блиндер. Оның пікірінше, рецессия ықтималдығы «15%-дан жоғары емес».
Естеріңізге сала кетейік, ФРЖ төрағасы Джером Пауэлл 23 тамыз күні қыркүйек айында пайыздық мөлшерлемені төмендететін уақыт келді деп ашық айтты. Бұл төрт жылдағы алғашқы төмендету болмақ.
Пауэлл ақша-несие саясатының ықтимал жұмсарту мөлшерін атаған жоқ. Джексон-Хоулдағы сарапшылардың көбі ставканың 25 базистік тармаққа өзгеруін күтеді. Алайда егер тамыз айының қорытындысы бойынша жұмыссыздық туралы есеп қайтадан әлсіз қалыптасса, қысқарту 50 базистік тармақты құрауы да ықтимал.
Bloomberg ставкалардың төмендеуі бірнеше елді қамтитынын атап өтті. Жұма, 23 тамыз күні Англия банкінің басшысы Эндрю Бэйли саясаттың одан әрі жеңілдетілетінін мәлімдеді. Конференцияға қатысқан Еуропа орталық банкі Басқарушылар кеңесінің бірнеше мүшесі де осылай деп үн қатты.
Пауэллдің мәлімдемесі трейдерлерді мөлшерлемелерді төмендету жолы мен мөлшері жайында дауласуға мәжбүр етіп отыр
Акциялар 23 тамызда өсті. Өйткені инвесторлар Пауэллдің мәлімдемесін тәуекелді қабылдау үшін «жасыл түс» ретінде қабылдады. Алайда өткен демалыс күндері Израиль Ливан аумағындағы Хезболла нысандарына соққы беріп, мұны шейіт қозғалысының зымыран соққысының жолын кесумен байланыстырды. Bloomberg егер қақтығыс соғысқа ұласса, бұл Азия мен Таяу Шығыс нарықтары үшін үлкен соққы болмақ деп жазды.
Сонымен қатар АҚШ-тың тамыз айындағы макроэкономикалық деректерінен кейін жағдай өзгеруі мүмкін деп еске алды Brandywine Global Investment Management-тің портфел менеджері Джек Макинтайр. Жалпы трейдерлер 2024 жылы ставканы 1 пайыздық тармаққа төмендетуге сенім білдіріп отыр.
Сондай-ақ Пауэллдің сөзінен кейін қазынашылық кірістілік барлық өтеу мерзімінде төмендеді. Жұманың аяғында 10 жылдық базалық мөлшерлеме 3,8%-ды құрады, бір аптада 8 базистік пункт жоғалтты. Алайда Таяу Шығыстағы геосаяси тәуекелдің күшеюі АҚШ-тың қарыз міндеттемелеріне сұранысты арттыруы мүмкін. Бұл өз кезегінде S&P 500 индексінің өсу қарқынының төмендеуіне және АҚШ долларының нығаюына әкелуі ықтимал.
Осы күзде дивидендтік акциялардың танымалдылығы артады
Қыркүйек айында ФРЖ пайыздық мөлшерлеме бойынша шешім қабылдағанға дейін инвесторлар дивидендтік акцияларға көбірек қызығып отыр, деп хабарлады CNBC. SS&C ALPS Advisors компаниясының қызметкері Пол Байокки бұл ақылға қонымды стратегия деп санайды. «Инвесторлар ақша нарықтарынан, тұрақты кірістерден дивидендтерге оралады», – деді ол.
ALPS бірнеше дивидендтік ETF-тің эмитенті болып саналады. Бұлар S&P 500-мен салыстырғанда денсаулық сақтау, қаржы және өнеркәсіп салаларында артық салмаққа ие. Бұл ретте олар энергетикаға, жылжымайтын мүлікке және материалдар өндірісіне иек артпайды. Байокки бұларды нарықтағы ең тұрақсыз секторлар деп санайды.
ETF Action негізін қалаушы-серіктесі Майк Акинс мұндай қорғаныс стратегиясы өзін-өзі ақтпайды деп есептейді. Өйткені аталған секторлардағы компаниялардың акциялары таза баланстарға ие болады. Сонымен қатар ол дивидендтік ETF-тің танымалдығы күрт өскенін атап өтті.
Қытай облигациялармен сауда жасауға тыйым салмағанымен, қауіп барын жасырмай отыр
Қытай Халық банкі қарыз саудасына тыйым салмайды, деп жазды Bloomberg дереккөздерге сілтеме жасап. Бұл мәселе өткен аптада кеңінен талқыланды. Өйткені реттеуші ұзақмерзімді облигациялардың көлемін едәуір арттырған қытайлық қаржы институттарына ескерту жолдады. Халық банкі облигацияларды шығаруға тыйым салу туралы қауесет қаржы ұйымының хатын қате түсіндіруге алып келгенін айтты.
Алайда жағдайды жақсы білетін дереккөздердің айтуынша, реттеуші ішкі нарықта облигацияларды сатып алудан тәуекелдерді байқап отыр. Өйткені бұл «тәуекелдердің жиналуына әкелуі мүмкін». Атап айтқанда, «кірістің спиральды өсуіне» апаруы ықтимал.
Кейінгі айда билік мемлекеттік банктердің өз облигацияларын сатуы арқылы турбулентті доданы тоқтатуға тырысты. Сондай-ақ шағын несие берушілерді тексеру басталды. Трейдерлер облигацияларға тұрақсыз акциялар мен жылжымайтын мүлік бағасының төмендеуі жағдайында баспана активтері ретінде басымдық деп санамайды. Сонымен қатар кейбір несие берушілер облигациялар нарығына өздерінің негізгі бизнесіне зиян келтіре отырып экономиканың нақты секторына несие беруді едәуір қысқартты.