Әзірбайжанда өткен партия сайлауында президент Әлиев басқаратын партия басым дауысқа ие болды
Әзірбайжан президенті Ильхам Әлиевтің партиясы ел парламентінде басымдыққа ие болды. Демалыс күндері өткен партия сайлауының нәтижесінде «Жаңа Әзірбайжан» басқарушы партиясы парламенттегі 125 орынның 68-ін алды. Бұл жайлы Әзірбайжан басылымдары хабарлады.
Елдегі Әлеуметтік зерттеулер орталығы 1 қыркүйекте Әзірбайжандағы кезектен тыс парламенттік сайлау бойынша exit-poll нәтижелерін жариялады.
«Президент Ильхам Әлиев бастаған «Жаңа Әзірбайжан» партиясы Әзірбайжан Парламентінде көп орынға ие болды», – деп Әзірбайжанның талық сайлау комиссиясының деректеріне сілтеме жасай отырып басылымдар жазды.
Билеуші партияның 68 депутаты парламентке өткен. Ал қалған орындарға «Азаматтық ынтымақтастық», «Бірлігі мықты Әзірбайжан», «РЕАЛ», «Ұлттық майдан» және «Әзірбайжанның Демократиялық ағартушы» партиясының өкілдері ие болмақ. Жалпы сайлауға қатысу көлемі 37%-дан асқан.
Exit-poll мәліметтері бойынша «Жаңа Әзірбайжан» партиясы 75 округтің 45-інде көп дауысқа ие болған.
