JPMorgan ФРЖ мөлшерлемесінің бірден жарты тармаққа төмендеуін күтіп отыр. Forvis Mazars өкілі Джордж Лагариас бірақ мұндай болжам нарықтарды үрейлендіріп, құлдырау қаупі туралы жалған дабыл қағуы да мүмкін деп отыр. онымен қатар зерттеушілер ЖИ жұмысында технологияның монетизация тиімділігін айтарлықтай төмендететін кемшіліктерді тапты. Осы және өзге де тақырыптар туралы 5 қыркүйектегі шолудан оқыңыз.
JPMorgan-ның бас экономисі: ФРЖ осы айда ставкаларды жарты тармаққа төмендетуі керек
Bloomberg JPMorgan бас экономисі Майкл Феролидің пікірін келтірді. Ол ФРЖ алдағы отырыста мөлшерлемелерді бірден 50 базистік тармаққа төмендетеді деп есептейді.
«Біздің ойымызша, олардың мүмкіндігінше тезірек бейтарап мөлшерлемелерге оралуына жақсы негіз бар», – деді Фероли сұхбатында. Әрі ол орталық банктің бейтарап саясатының максималды нүктесі шамамен 4%-ға немесе қазіргіден 150 базистік тармаққа төмен екенін айтты. «Біз ставкалардың төмендеу қарқынын жеделдетуге жақсы негіз бар деп есептейміз», – деді экономист.
CME FedWatch құралына сәйкес, трейдерлер ФРЖ федералды қорларының мөлшерлемесін 39% ықтималдықпен жарты пайыздық тармаққа (қазіргі 5,25-5,50%-дан 4,75-5%-ға дейін) төмендетеді деп бағалап отыр. Пайыздық мөлшерлеменің төрттен бір бөлікке төмендеу ықтималдығы шамамен 61%-ға тең.
«Біз жұмыспен қамту үшін де, инфляция үшін де тәуекелдер бар жағдайға келдік. Егер осы тәуекелдердің бірі күшейе түссе, бағытты өзгертуге болады», – деді экономист. Сонымен бірге ол АҚШ экономикасының «құлдырап бара жатқанына» сенбейтінін атап өтті.
ФРЖ 17-18 қыркүйекте ставкалардың одан арғы бағыты бойынша шешім қабылдайды.
АҚШ-тағы ақша-несие саясатының күрт төмендеуі нарықтар үшін қауіпті
Осы айда Федералды резерв жүйесі пайыздық мөлшерлемесінің айтарлықтай төмендеуі қаржы нарықтарын үрейлендіріп, құлдырау қаупі туралы жалған дабыл қағуы мүмкін, дейді Forvis Mazars бас экономисі Джордж Лагариас. Оның сөздерін CNBC басылымы келтіреді.
Қор нарықтарына зақым келтірмеу үшін реттеуші қарыз алу шарттарын 25 базистік тармақтан аспайтын мерзімге жұмсартуға тиіс, деп санайды сарапшы. «Мен ставканы 50-ге төмендетудің өзектілігін көріп отырған жоқпын, дүрбелеңге себеп те жоқ. Өсу қарқыны баяулайды, бұл күмәнсіз. Бірақ біз рецессиядан тым алыста жатырмыз», – деді экономист.
Естеріңізге сала кетейік, тамыз айының қорытындысы бойынша АҚШ-та бос жұмыс орындарының қысқаруы және өндірістің төмендеуі байқалады. Алайда құлдырау белгілері жоқ, деп атап өтті Лагариас.
Ғалымдар ЖИ модельдерінің жауаптары мағынасыздыққа айналғанын дәлелдеді
Британдық зерттеушілер жасанды интеллекттің жұмыс сапасының айтарлықтай төмендегенін анықтады, деп хабарлады Asia Financial. Олар мұны «модельдің күйреуі» деп атады. Жасанды интеллекттің қателіктері («галлюцинациялар») осы технологияның монетизация тиімділігін төмендетуі мүмкін. Кейбір сарапшылар бұл мәселе айтарлықтай маңызды деп алаңдаулы. Бұл жұртшылықтың жасанды интеллект тудыратын мазмұнға ғана емес, интернеттің өзіне деген сеніміне де нұқсан келтіреді.
Атап айтқанда, Ұлыбританиядағы Оксфорд және Кембридж университеттерінің зерттеушілері жасанды интеллект боттары немесе үлкен тілдік модельдер жасаған материалдарды сынап көрді. Генеративті бағдарламалық жасақтама тек машина жасаған мазмұнға сүйенсе, оның жауаптары екі анықтамадан кейін шындыққа жанаспай кетеді. Бесінші әрекетте айтарлықтай нашарлап, тоғызыншы өтініштен кейін пайдасыз хэшке айналған.
«Біз оқытуда модель жасаған мазмұнды ретсіз пайдалану бастапқы мазмұнды тарату сілтемелері жоғалып кететін нәтиже үлгілерінде қайтымсыз ақауларды тудыратынын анықтаймыз. Біз бұл әсерді «модельдің күйреуі» деп атаймыз», – деп жазды ғалымдар өздерінің ғылыми мақалаларында. Жасанды интеллект шындықпен байланысын соңына қарай белгісіз себептермен жоғалтады және фактілерді аударуда немесе қайталауда жоғалып кетеді.
Осылайша, жасанды интеллект модельдері ұзақ мерзімді перспективада тұрақты болу үшін адам жасаған мазмұн ағынына қол жеткізуді қажет етеді.
Францияның қор нарықтары Премьер-министрдің тағайындалуынан кейін, біршама тынышталды
Франция Парламентте көпшілікке қол жеткізе алмаған партиялардың дауларына байланысты Премьер-министрді бекіту мүмкіндігінен туындаған ұзақ саяси тығырықтан шықты. Мишель Барнье ақыры Үкімет басшысы болып сайланды. Бұл келесі жылдың бюджетін түзетуге әрі бекітуге мүмкіндік береді. Бюджеттік процестің баяулауы мемлекеттік облигацияларды ұстаушылар арасында айтарлықтай алаңдаушылық туғызды. Бұл жағдай Францияның қарызының көптігімен қиындай түсті, деп жазды Bloomberg.
Алайда Royal London Asset Management-тің партфельдік менеджері Гарет Хилл Барнье қанша уақыт қызмет етеді және жаңа үкімет қаншалықты тұрақты болады деген сұраққа жауап іздейді. «Франциядағы нақты проблема – мемлекеттік шығындардың бақылаудан шығуы және жаңа Премьер-министрдің оны жеңе білу қабілеті. Барнье тағайындалғаннан кейін нарықтар біршама тынышталды, бірақ бұл негізгі мәселені шешпейді. Ол өздігінен Франция акцияларындағы дисконтты төмендетпейді», – деп атап өтті Edmond de Rothschild Asset Management-тің жаһандық инвестициялар жөніндегі директоры Бенджамин Мелман.
«Жалпы нарықтар Барнье сияқты бейтарап центристік тұлғаға риза. Бірақ үкіметтің үш партиялық құрамын ескере отырып, заңнама мен бюджеттік ережелерді қабылдау мәселесі әлі де проблема болып қала береді», – дейді Toronto Dominion Bank-тің еуропалық ставкалар бойынша бас стратегі Пуджа Кумра. Saxo Banque France сату бөлімінің басшысы Андреа Туэни CAC 40 индексі жақын арада басқа еуропалық қор биржаларының индекстеріне жете алмайды деп болжайды.
