Қазақстандағы коммерциялық банктердің активтері қыркүйек айының басында жылдық мәнде 24,8%-ға өсіп, 57,8 трлн теңгеге жетті. Айлық есепте көрсеткіш 1,8%-ға өсті. Бұл туралы Ұлттық банк хабарлады.
Активтердің көлемі бойынша Halyk Bank – 16,6 трлн теңге, Kaspi Bank – 7,4 трлн теңге, «ЦентрКредит Банк» – 5,9 трлн теңгемен алдыңғы қатарда.
Бұл ретте қаржы ұйымдарының міндеттемелері 22,7%-ға өсіп, 49,8 трлн теңгеге жетті. Айлық көрсеткіш 1,6%-ға артты.
Банктердің капиталы 8 трлн теңгеге немесе 3,5%-ға артты. Бір жылда көрсеткіш 31,3% динамика көрсетті. Банктердің міндеттемелері бір айда 1,8%-ға немесе 57,8 трлн теңгеге, ал өткен жылдың сәйкес кезеңімен салыстырғанда 23,8%-ға өсті.
Қыркүйек айының басында банктердің айлық кірісі 19,3%-ға өсіп, 41,5 трлн теңгеге жетті. Алайда бір жыл ішінде көрсеткіш 17,9%-ға төмендеген.
Қыркүйек айының басында кіріс салығын қоса алғанда, шығыстар 39,9 трлн теңгені құрады. Жылдық көрсеткіш 18,9%-ға төмендесе, бір айда 19,4%-ға өсті.
Күздің бірінші айының алғашқы аптасында банктердің пайдасы 1,6 трлн теңгені құрады, айлық көрсеткіш 16,9%-ға өсті.
Шілде айының соңында қазақстандық банктердің жалпы таза пайдасы 1,38 трлн теңгені құрады. Бұл көрсеткіш 2023 жылдың сәйкес кезеңімен салыстырғанда 12%-ға жоғары. Шілдеде қазақстандық банктер 232,1 млрд теңге табыс тапты.
Еске сала кетсек, Қазақстан 21 екінші деңгейлі банк бар. ЕДБ активінің жиынтық көлемі – 56,8 трлн теңге, ал несие портфелі 32,5 трлн теңге деңгейінде.
2024 жылдың бірінші тоқсанында Halyk Bank-тің таза табысы 7,5%-ға кеміді.
