Алдағы аптада күнделікті күйбеңді жақсы демалыспен ұштастырғысы келетіндер үшін іс-шаралар кестесін ұсынамыз. Театрға барып, хоккей көріп, жанкүйер болып, кино көріп аптаны қызықты өткізуге болады.
Семей қаласында 23 қыркүйек «Аққу көлі» балеті қойылады
«Аққу көлі» – премьерасы 1877 жылы наурызда Мәскеудегі Үлкен театр сахнасында өткен П. Чайковскийдің алғашқы балеті. Балет сюжеті фольклорлық мотивтерге құрылған, зұлым сиқыршы рыцарь Ротбарттың қарғысымен аққуға айналған сұлу Одетта ханшайымы туралы ескі неміс аңызына негізделген.
Абай атындағы опера және балет театрында П. И. Чайковскийдің «Аққу көлі» балеті ондаған жылдар бойы көрсетіліп, жұртшылықтың ыстық ықыласына бөленіп келеді. Бұл балетті 1938 жылы қазақ балет мектебінің негізін салушылардың бірі А. А. Александров қойған. Содан кейін балет Юрий Павлович Ковалев пен Татьяна Конюстің өңдеуінен өтті. Көп жылдар бойы Владимир Иванович Бурцевтің қойылымы өтіп жатты.
Театр артистері алдағы аптада Семейге гастрольмен барып, қала көрерменіне керемет қойылым сыйлайды. Бұл балет Алматыда 30 қазанда қойылады.
Билеттерді Ticketon.kz сайтынан таба аласыз.
Хоккей ойындары – 24 қыркүйек
Алдағы сейсенбі, 24 қыркүйек күні астаналық «Барыс» хоккей клубы мәскеулік «Динамо» клубына қарсы ойнайды. Хоккей, спорттық жарыстарды көргенді ұнататындар немесе кешін қызықты өткізгісі келген кез келген адам осы доданы көруге бара алады. Бұған дейін хоккей ойындары қалай өтетінін білмесеңіз де, жаңа нәрсені көріп, жаңа эмоция сезінгіңіз келсе де, хоккей көруге кеңес береміз.
«Барыс» – Астана қаласының кәсіпқой хоккей клубы. Барыс Құрлықтық хоккей лигасының (ҚХЛ) Чернышев дивизионының мүшесі. «Барыс» клубы 1999 жылы құрылып, 2001-2002 жылғы маусымнан ойнай бастады.
Кейінгі жылдары «Барыс» ірі халықаралық турнирлерге қатысатын Қазақстанның ерлер, студенттік, жасөспірімдер және жасөспірімдер құрамаларын жасақтайтын базалық клуб болды.
Ашылған уақыттан бері мектеп әртүрлі командаларда ойнайтын 70-тен астам кәсіби спортшы тәрбиелеп шығарды. Қазіргі таңда «Барыс» спорт мектебіне 800-ге жуық бала тартылса, олардың әрқайсысы өз өмірін хоккеймен байланыстыруды ұйғарған.
Алдағы жарысқа билеттерді Ticketon.kz сайтынан сатып ала аласыз.
NE PROSTO ORCHESTRA – THE GREATEST SOUNDTRACK HITS – 25 қыркүйек
Ne Prosto Orchestra ұжымы көрерменін күзгі маусымға орай ұйымдастырылған ғаламат кештің қонағы болуға шақырады. Бұл концертте аты аңызға айналған кино туындыларының әуендері орындалмақ.
Концерт бағдарламасына «Сумерки», «Матрица», «Титаник», «Болашаққа кері қайту», «Бесінші элемент», «Ла ла лэнд», «Джеймс Бонд», «Өкіл әке», «Маска», «Леон», «Биллді өлтіру», «Рокки», «Терминатор» сияқты және өзге де әйгілі фильмдердің саундтректері енген. Бұл тізімнен әрбір көрермен өзінің сүйікті әуенін табары анық.
Ұйымдастырушылар бұл фильмдердің барлығы бекерден-бекер біріктірілмегенін айтады. Уақыт сынынан өткен теңдессіз музыка оркестр, хор, солистердің шебер орындауында ерекше жарқырап, көрерменге естен кетпес әсер сыйламақ.
Зулап өте-шыққан қыркүйек айынан керемет естелік қалсын десеңіз, осы кешке билет алып үлгеріңіз. Сатылым Ticketon.kz сайтында жүріп жатыр.
Концерт 25 қыркүйек күні Достық даңғылы, 56 мекенжайы бойынша орналасқан Республика сарайында өтеді. Басталатын уақыты: 19:30.
Кинопремьера. «Менің папам тигр» фильмі – 26 қыркүйек
Алдағы аптада прокатқа щығатын туынды көп. Соның ішінде отандық киноөндірушілердің «Менің папам тигр» комедиялық туындысы да көрерменге жол тартпақ.
Режиссеры – Ернар Нұрғалиев. «Менің папам тигр» – өз-өзіне сенімсіз әрі жолы болмайтын Амантай деген жігіт туралы трагикомедия. Онда 36-ға келгенде Урбах-Вите синдромы – сирек кездесетін генетикалық бас миы ауруы асқына бастайды. Аурудың әсерінен қорқыныш дегенді мүлдем ұмытады. Осының арқасында өткізіп алған уақыттың есесін толтырып, отбасында әкелік беделін арттыруды ұйғарады. Ал отбасы оны көптен сыйламайтын болған. Комедиялық туындыдағы басты кейіпкерді Жанболат Найзабеков сомдайды.
Күлкіге қарық болып, кей жерінде ой түйіп де қайтасыз деген сенімдеміз.
Билеттер жақын күндері Ticketon.kz сайтына сатылымға шығады.
Премьера. «Құбыжықтар командасы» – 26 қыркүйек
«Құбыжықтар командасы» мультфильмінде Элли деген мейірімді елес тролльдер, мумиялар, қасқырлар және тіпті вампирлер сияқты оғаш тіршілік иелері мекендеген ерекше әлемде өмір сүреді. Бұл таңғажайып әрі сиқырлы жерде Элли «елес ғылымын» –адамдарды қорқыту жайлы ғылымды зерттейді. Алайда қанша тырысқанымен, ол мәжбүрлі түрде жасайтын қорқынышты жұмысты мүлде ұнатпайды.
Оның құбыжықтар командасы адам қаласына саяхаттау мүмкіндігін алған кезде, Элли мен оның ерекше достары шытырман оқиғалар мен күтпеген қиындықтарға толы қызықты саяхатты бастайды.
«Құбыжықтар командасы» – шытырман оқиға мен достық элементтерін біріктіретін комедия жанрындағы көңілді анимациялық фильм. Премьерадан қалмай, ерекше туындыны елден бұрын көруді ұсынамыз.
Билеттер жақын күндері Ticketon.kz сайтына сатылымға шығады.
