АҚШ-та ақша-несие саясатын жеңілдетілу басталғалы нарық оптимизмге ойысып, ең сәтті жылдармен ұқсастықтар пайда бола бастады. Алайда скептиктер қазіргі жағдайда мөлшерлеменің төмендеуі кезінде инвестициялаудың классикалық схемалары жұмыс істемеуі мүмкін екенін ескертеді. Сонымен қатар Ливандағы «Хезболла» портативті пейджерлері мен рацияларындағы жарылыс әлемдік экономиканың қайта жаһандану процесін жеделдетуі мүмкін, бірақ белгілі бір ескертулермен. Осы және өзге де тақырыптар туралы демалыс күндеріне арналған шолулдан оқи аласыздар.
Уолл-стрит төртінші тоқсанда мөлшерлеменің үлкен көлемде төмендеуін күтіп отыр
Іскерлік БАҚ-тың басты тақырыбы АҚШ-тағы жеңілдету циклының басталуы болып отыр. Трейдерлер ФРЖ-ның жеңілдету саясатын «агрессивті қарқынмен» сақтайтынына сенім артып отыр деп жазды Yahoo Finance. Реттеуші 2024 жылдың қалған екі отырысы кезінде мөлшерлемені тағы 50 базистік тармаққа төмендету туралы белгі берген. Бірақ трейдерлер қосымша 75 базистік тармаққа төмендеу мүмкін екенін де ескереді деп хабарлады CME Group-тың FedWatch.
Сарапшылардың пікірінше, инфляцияның төмендеуі, керісінше, рецессия қаупінің өсуі емес, ФРЖ-ға тағы бір қомақты қысқартуға жол ашады. «Егер инфляция төмендей берсе, пайыздық мөлшерлемелерді де төмендету керек», – деп мәлімдеді Nationwide Mutual бас экономисі Кэти Бостянчич. – Федрезерв келесі отырыста мөлшерлемені 50 базистік тармаққа төмендетуі керек».
«ФРЖ мөлшерлемені 50 базистік тармаққа қысқартты, себебі мұндай қадамға мәжбүр болғандықтан емес, мүмкіндік болғандықтан барды. Бұл шешім қабылдаудағы маңызды айырмашылық», – деді Raymond James бас нарықтық стратегі Мэтт Ортон. Ол инвестициялар мен капитал салымдарының өсуін күтіп, АҚШ-тың экономикалық тұрақтылығын нығайтатынына оптимистік көзқараспен қарайды.
John Hancock-тың өкілі Эмили Роланд та «жұмсақ қону» туралы оптимизмнің артуы барлық нарықта «үлкен оптимизм» тудырып жатқанын айтады. BMO Capital Markets-тың бас инвестициялық стратегі Брайан Бельски 2024 жылдың соңына дейін S&P 500 индексінің мақсатты бағасын 6100 тармаққа көтеріп, тарихи үрдістер «нарықтың төртінші тоқсаннан әдеттегіден күшті болуын күтіп тұрғанын» айғақтайды деп атап өтті.
Трейдерлер қор нарығынан жаңа стратегия іздейді
Нарық оптимизміне қарамастан, скептикалық болжамдар да айтылып жатыр. Уолл-стрит трейдерлері бірегей мәселеге тап болды – орташа тарихи деректер олар үшін енді нұсқаулық емес деп жазды Bloomberg.
Ставкаларды төмендету кезіндегі іс-қимылдың классикалық сценарийі –қорғаныс секторларында акцияларды сатып алу (тұтынушылық тауарлар, ТКШ, денсаулық сақтау). Өйткені олардың экономикалық жағдайларға иммунитеті бар. Тағы бір танымал сценарий – қомақты дивидендтер төлейтін салалардың акциялары. Сонымен қатар технологиялық сектор әдетте осындай кезеңдерде өседі, бірақ қазір бұлай болмай отыр.
Antimo компаниясының аға портфель менеджері Фрэнк Монкам қазіргі жағдайда қорғаныс акцияларының дәстүрлі ставкасы қажетті нәтиже бере алмайды деп санайды. Greenwood Capital Associates LLC президенті және бас инвестициялық директоры Уолтер Тодд қаржы секторына назар аударуға кеңес береді. «ФРЖ ставкаларының бұл төмендеуі банктер үшін қорландыру құнын төмендетуі керек», – деп еске салды ол. – «Олар депозиттер бойынша аз төлеуге мәжбүр болады, сондықтан бұл олардың таза пайыздық маржасына көмектесуі керек».
UBS Global Wealth Management компаниясының АҚШ акциялары бөлімінің басшысы Дэвид Лефковиц қаржы секторына, сондай-ақ өнеркәсіптік секторға инвестицияларға басымдық беріп отыр. Бірақ BofA-дағы АҚШ акцияларының басшысы Савита Субраманиан «ФРЖ-да бірыңғай сценарий жоқ және әр жұмсарту циклі бір-біріне ұқсамайды» деп мәлімдеді.
Қазіргі уақытта инвесторлар технологиялық компаниялар бағасының жоғарылығы, құбылмалылықтың жоғарылауы және АҚШ-тағы саяси белгісіздік туралы алаңдаушылықтан арылды. Өткен аптада S&P 500 индексі 5700-ден асып түсті. Дегенмен Уолл-стрит сарапшыларының аз ғана бөлігі бұл көрсеткішке 2024 жылдың соңына дейін жетеді деп болжаған еді.
Алайда WSJ бұл нарықтық реакцияны ставканың төмендеуіне «тым ынталы» деп санайды. Басылым өткен жылдары жұмсарту циклі басталғаннан кейін, сарапшылардың оптимистік болжамдары қалай орындалмағанын еске түсірді.
2007 жыл ең маңызды болып саналады және жағдай қазіргі ұсақ бөлшектерге сәйкес келеді. 2007 жылғы 18 қыркүйекте ФРЖ ұзақ қатаңдату кезеңінен кейін, мөлшерлемені 0,5%-ға, сондай-ақ 50 базистік тармаққа – 4,75%-ға дейін төмендетті. Бұл акциялардың өсуіне әкелді. Соның ішінде көшбасшылар қатарында болған Lehman Brothers акциялары өстәі. Бір жылға жетер-жетпес уақытта бұл банк құлдырап, АҚШ тарихындағы ең ірі банкрот болып тіркелді. Артынша дағдарыс басталды.
Ол кезде ФРЖ ставкаларды тағы алты рет төмендетті, нарық та оптимизмге толы болды. Жақында Goldman Sachs стратегі Дэвид Костин «өсу траекториясы ставкалардың төмендеу жылдамдығынан гөрі акциялар үшін маңызды драйвер болып саналады» деп атап өтті.
Төмен ставкалар, әрине, облигация инвесторлары үшін маңызды. Алайда егер экономикадағы проблемалар басталса, олар рецессияның алдын ала алмайды.
Сонымен қатар Bloomberg америкалық акциялардың шамадан тыс бағаланғанын көрсетті. 2024 жылдың басынан бері S&P 500 20%-ға өсті, ал Баффет индикаторы (АҚШ акцияларының жалпы нарықтық капитализациясы елдің ЖІӨ-нің жалпы долларлық құнына бөлінген) рекордтық деңгейде. John Hancock Investment Management инвестициялық стратегиясының тең жетекшісі Эмили Роланд клиенттер арасындағы мұндай алаңдаушылықты сезініп отыр: «Мен әр апта сайын инвесторлармен сөйлескенде, олар маған қорқыныш барын айтады. Үлкен оптимизмді көріп отырған жоқпын».
Банктік инвесторлар 2024 жыл 1995 жылғы жағдайды қайталауы мүмкін деп санайды
Федералды резерв жүйесінің ставкаларды төмендетудің жаңа циклін бастауы банк инвесторларына 1995 жылғы өсу қарқынына қайта оралуға үміт сыйлайды. Содан кейін ФРЖ ставкаларын төмендету және «жұмсақ қону» сериясынан соң, АҚШ банк саласы тарихындағы ең жақсы кезеңдердің бірі басталған-ды.
Осы секторды бақылайтын индекс 1995 жылды 40%-дан жоғары өсіммен аяқтап, S&P 500-ден асып түсті. Бұл артықшылық тағы екі жылға созылды. Осы жағдай қайталануы мүмкін бе деген сұраққа Yahoo Finance жауап іздеп көрді.
Әзірге банктік акциялар жақсы басталды. Биыл АҚШ-тың банк индустриясының индексі 19%-дан жоғары өсім көрсетті. Ірі банктер мен басқа да негізгі банктік емес қаржы компанияларын бақылайтын көрсеткіш 21%-ға жақсарды. Wells Fargo сарапшысы Майк Майо: «Оқиға қайталануы екіталай, бірақ ол рифмаға айналуы мүмкін», – дейді.
Үш жағдайда (1995, 1998 және 2019) ФРЖ пайыздық мөлшерлемені төмендетіп, рецессия болмаған кезде, банктік акциялар бірінші құлдыраудан кейін орта есеппен сатылды, содан соң бірнеше аптадан кейін S&P 500 индексінен асып түсті. Бірақ ставкалардың төмендеуінің соңғы алты циклінің кеңірек шолуы банктердің үстемдігі әдетте ұзаққа созылмайтынын көрсетеді.
Жарылып жатқан пейджерлер жеткізу тізбегіндегі мәселелер барын еске салады
Ливандағы «Хезболла» портативті пейджерлері мен рацияларының жарылуы АҚШ-тағы құрастыру өндірістерін ауыстыруға жаңа серпін беруі мүмкін, деп жазды NYT. Қазіргі уақытта жаһандық жеткізу тізбегінің күрделілігі соншалық, нарық қатысушылары да, үкіметтер де барлық нюанстар мен маңызды бөлшектерді түсінбейді. Өндіріс процесіне неғұрлым көп компания қатысса, өнімді қаруға айналдыра алатын үшінші тараптарды өндіріске енгізу қаупі соғұрлым жоғары болады.
ALOM жаһандық жеткізу тізбегі компаниясының бас директоры Ханна Кейн «Хезболлаға» жасалған шабуылдар жеткізу тізбегіндегі өзгерістерді тездетуі мүмкін деп санайды. Сонымен қатар кейінгі жылдары АҚШ-та құрастыру өндірістерін елге, әсіресе Қытайдан қайтару үрдісі нығайып келеді.
Вашингтон Қытайды өзінің ұлттық қауіпсіздігіне қауіп төндіретінін жасырмайды және Қытайда жасалған телекоммуникация және электртехникалық жабдықтар Американың негізгі инфрақұрылымына жойқын соққылар жасау үшін «трояндық атқа» айналуы мүмкін екенін ескертеді. Соңғы шабуылдар бұл гипотетикалық пайымдау емес, нақты қауіп екенін анық көрсетті. Алайда жаһанданудың аяқталуы туралы айтуға әлі ерте. Өйткені бұл үлкен шығындарға әкеледі. Шын мәнінде, жаһандық тізбектер зауыттар мен нарықтар арасындағы қашықтықты қысқарту арқылы қайта құрылу үстінде.
