Алматыда 29 қыркүйек күні марафон өтуіне байланысты қаланың бірқатар көшелері жабылады.
Almaty Marathon мәліметінше, спортшылар 42, 21 және 10 км қашықтықта жүгіреді. Негізгі 21 және 42 км қашықтықтар Әл-Фараби, Назарбаев, Саин, Абай, Байтурсынов және Сәтбаев даңғылдары бойымен өтеді. Ал 10 км қашықтық Шашкин, Тимирязев, Байзақов, Құрманғазы, Абылай хан және Желтоқсан көшелері арқылы дайындалады.
42 км қашықтықты өту лимиті 6 сағатты құрайды, бірақ көшелер сегмент бойынша ашылады, сондықтан әр көше шамамен 3 сағатқа жабық болады.
Ұйымдастырушылардың айтуынша биыл марафонға 56 елден 15 600-ге жуық қатысушы келеді деп күтіліп отыр. Олардың басым бөлігі қазақстандықтар болса, 10%-ы Ресей, Қырғызстан, Өзбекстан, БАӘ және басқа да елдердің азаматтары.
Сонымен қатар, ұйымдастырушылар алматылықтарды марафонға қытысушыларды қолдауға шақырып, мәреде жанкүйерлер үшін үлкен трибуна салынатынын айтты.
