Криптовалюта индустриясында қазақстандық реттеуші алғаш рет Binance Kazakhstan компаниясына DATF лицензиясын берді
Сауда көлемі бойынша әлемдегі ең ірі криптовалюта биржасында жетекші блокчейн экожүйесіне тиесілі Binance Kazakhstan компаниясына Digital Asset Trading Facility (DATF) лицензиясы берілді. Бұл – Қазақстанда АХҚО Қаржы қызметтерін реттеу жөніндегі комитетінен (AFSA) осы лицензияны алған алғашқы операциялық цифрлық платформа.
Толық DATF лицензиясы Binance Kazakhstan компаниясына цифрлық активтер нарығын басқару, брокер-дилер ретінде әрекет ету және елдегі цифрлық активтерді сақтау қызметтерін көрсету құқығын береді.
Қазақстан – Орталық Азияда Binance компаниясы реттеуші лицензиясын алған бірінші ел. Компания осы елдегі ережелерге бағынатынын және қауіпсіздіктің ең жоғары стандарттары бойынша жұмыс істейтінін хабарлады.
DATF лицензиясын алу үшін Binance Kazakhstan барлық қолданыстағы нормативтік талаптарға толық сәйкес екенін дәлелдеу мақсатында ISO сертификатын және көптеген ішкі және сыртқы аудиттерді қоса алғанда, ауқымды тексеруден өтті.
«Қазақстан аймақтағы инновациялар мен өсудің негізгі орталығы ретінде қызмет ететін крипто индустрияда маңызды рөл атқарады. Оның сенімді нормативтік базасы, қауіпсіз әрі үйлесімді орта құруға ұмтылуы елді цифрлық активтер саудасын дамытуға арналған тамаша алаңға айналдырады. Толық DATF лицензиясын ала отырып, Binance Kazakhstan өзінің нормативтік талаптарға сәйкестігін растап қана қоймайды, сонымен қатар Орталық Азиядағы криптовалюта экожүйесінің кеңірек дамуына үлес қосады. Қазақстанда және одан тыс жерлерде криптовалюталар мен инновациялардың дамитынына сенеміз және бізге мүмкіндік берілгеніне қуаныштымыз», – деді Binance аймақтық нарықтар бөлімінің басшысы Вишал Сачиндран.
Binance сауда көлемі мен тіркелген пайдаланушылар саны бойынша әлемдегі ең ірі жетекші жаһандық блокчейн экожүйесі. Компания өзінің негізгі құралы – криптовалюта арқылы инклюзивті криптовалюта экожүйесін құруға ұмтылады.
AFSA – «Астана» халықаралық қаржы орталығы туралы» Қазақстан Республикасының конституциялық заңына сәйкес құрылған АХҚО-ның тәуелсіз реттеушісі. Комитеттің мақсаты – АХҚО қаржы жүйесінің қауіпсіздігі мен сенімділігін қолдау және АХҚО-дағы қаржы нарықтарының әділдігін, тиімділігі мен ашықтығын қамтамасыз ету арқылы бизнеске жәрдемдесу. АХҚО комитетінің реттеу саласына банк ісі, сақтандыру, капитал нарықтары, исламдық қаржыландыру, қаржылық технологиялар саласындағы қаржылық және нарықтық қызметтер, сондай-ақ қосалқы қызметтер кіреді.
