Иран жақын арада Израильге баллистикалық зымыранмен шабуыл жасауға дайындалуда. Бұл туралы CNN АҚШ-тағы Ақ үйдің жоғары лауазымды қызметкеріне сілтеме жасап хабарлайды. Шенеуніктің айтуынша, бұл қадам Иран үшін ауыр зардаптарға әкеледі.
«Америка Құрама Штаттарының Иранның жақын арада Израильге баллистикалық зымыранмен шабуыл жасауға дайындалып жатқанына сенуге негіз бар. Иранның Израильге тікелей әскери шабуылы Иран үшін ауыр зардаптарға әкеледі», – деп жазды басылым дереккөзге сілтеме жасап.
АҚШ-тің қарулы күштері Иранға тосқауыл қоюға дайын. Шабуыл алдағы 12 сағат ішінде басталуы мүмкін.
Сонымен бірге АҚШ-тың Израильдегі елшілігі жоғары дәрежедегі дабыл жариялап, өз қызметкерлеріне, соның ішінде Палестина аумақтарындағы қызметкерлерге үйлеріне қайтып оралуға және бомбаларды сақтау орындарына түсуге дайындалуға бұйрық берді.
Түркия президенті Режеп Тайып Ердоған Израильге Ливандағы құрлық операциясының салдары ауыр зардапқа соқтыратынын ескертті.
Израиль Ливанда лаңкестік әрекеттер жасауда, БҰҰ бұл агрессияны тоқтатуы керек, деп мәлімдеді Түркия президенті Режеп Тайып Ердоған парламентте сөйлеген сөзінде.
«Бұл жолы Израиль Ливан аумағына құрлық арқылы басып кірді. Ол Газа секторында геноцид жасап, қазір Ливанда лаңкестік әрекеттер жасауда. Өздері дағдарысқа ұшырап, аймақ елдерін құрдымға құлату үшін барлық амалды қолдануда. Түрлі арандатушылықтарды өз қолына алады. Өткен аптада БҰҰ-ның Бас ассамблеясында БҰҰ бұл агрессияны тоқтатуы керек екенін анық айттым», – деді Ердоған.
Ливандағы бұл құрлық операциясы Израиль үшін өткен жылдардағыдай оңай болмайды, деді ол. Ердоған Түркия шекарасының Ливаннан көлікпен екі сағатта жететін жерде орналасқанын еске салып, республиканың Израильдің әрекетін тоқтатып, оны жазалау үшін күресін жалғастыратынын айтты.
«Біз ливандық бауырларымыздың жағында боламыз және оларға қолдан келгенше көмектесеміз», – деп жар салды Президент.
Түркия басшысы Режеп Тайып Ердоған Біріккен Ұлттар Ұйымы мен басқа да халықаралық ұйымдарды «босқа уақыт жоғалтпай» Израильді тоқтатуға шақырды.
«Барлық үкімет пен халықаралық ұйымдар, әсіресе БҰҰ уақытты босқа өткізбей, Израильді тоқтатуы керек», – деген уәжін айтты ол.
1 қазанға қараған түні Израиль армиясы Ливанның оңтүстігінде барлау жұмысын жүргізе бастады. Израиль күштері әуе күштері мен артиллерияның аймақтағы әскери нысандарға дәл соққы берген құрлықтағы жасаққа қолдау көрсететінін айтты. Ливандағы операцияның «Газадағы және басқа ареналардағы шайқастармен қатар» жалғасатыны баса айтылды. Сол күні ЦАХАЛ өкілі солтүстік сектордағы жедел тапсырмаларды орындау үшін төрт резервтік бригада мен қосымша әскерді жұмылдыратынын мәлімдеді
Бұған дейін «Курсив» Израильдің Ливанның оңтүстігінде Хезболлаға қарсы құрлық операциясын бастағанын жазды. Ливанмен шекаралас ауылдардағы жергілікті тұрғындарға эвакуациялауға кеңес берілді.
