13 қазан, жексенбі күні Astana City Marathon өтеді. Марафонға 15-тен астам елден 2000 қатысушы қатысады. Жарыс барысында таңғы 7:00-ден бастап, қаладағы бірнеше көшелер уақытша жабылады, толық қозғалыс 13:00-ге дейін қалпына келтіріледі. Бұл туралы Астана қаласының әкімдігі хабарлады.
«Астана Марафон» маршруты EXPO алаңынан басталып, Есіл өзені жағалауы, «Бәйтерек» монументі, «Абу-Даби Плаза» және Ботаникалық бақ сынды қаланың көрнекті жерлерінен өтеді.
Ұйымдастырушылар марафон қатысушыларына жаппаған көшелерге автобуспен жетуді ұсынады.
Жарыс өтетін күні жабылатын жолдардың учаскелерін толығырақ Астана әкімдігінің сайтынан көре аласыз.
Еске сала кетейік, бұған дейін Алматы қаласында марафон өткен еді. Жарысқа 56 елден 15 600-ге жуық спортшы қатысты. Олардың басым бөлігі қазақстандықтар болса, 10%-ы Ресей, Қырғызстан, Өзбекстан, БАӘ және басқа да елдердің азаматтары.
Сондай-ақ марафонда бірінші болып келген Қырғыстандық спортшыға тәртіп бұзғаны үшін дисквалификация берілген еді.
