Lexus компаниясы жол талғамайтын LX көлігінің жаңа гибридті нұсқасын таныстырды.
LX 700h моделінде Toyota концернінің бірқатар америкалық үлгілерінен танымал i-Force Max гибридті жүйесі бейімделген. Бұл жүйе 3,5 литрлік V6 қозғалтқышы мен 10 жылдамдықты автомат қорабынан тұрады, ал олардың арасында электр қозғалтқышы орнатылған.
Гибридті жүйенің қуаты 464 ат күші және 790 Нм. LX 700h қуаты бензинмен жүретін LX 600 моделіне қарағанда шамамен 50 ат күшіне тең.
Электр қозғалтқышына қосылатын батареяның сыйымдылығы әлі жарияланбаған, бірақ жүксалғыштың астына орнатылып, су өткізбейтін корпуспен қапталған. Lexus көліктің электрификациясы оның жол талғамайтын қасиеттеріне әсер етпегенін айтады. Мысалы, LX 700h әлі де 700 мм тереңдіктегі суды еңсере алады және трансмиссиясында төмендетілген берілістер бар.
Гибридті жүйенің артық салмағын теңестіру үшін қозғалтқыш пен корпустың тіректері күшейтілді. Салонға 12.3 дюймдік жаңа дисплей орнатылды. Ал бұрынғы үлкен селектордың орнына ықшамды джойстик пайда болды. Қымбат нұсқаларында алдыңғы орындықтар одан да жайлы етіп жасалған.
Overtrail нұсқасы сыртқы жағынан қарапайым гибридтен ерекшеленеді: қараңғыланған радиатор торы, қара сәндік элементтер, ерекше дискілер және эксклюзивті түс. Көліктің бұл нұсқасына 265/65R18 өлшеміндегі балшыққа арналған шиналар орнатылды.
Компанияның айтуынша, LX 700h гибридінің сатылымы келесі жылдың басында басталады, ал Overtrail нұсқасы сәл кейінірек пайда болады. Бағасы әлі жарияланбағанымен, шамамен 100 мың доллардан қымбат болады деп күтіліп отыр.
Еске сала кетейік, бұған дейін Lexus RX моделінің жаңа шығарылымын таныстырған еді.
2025 жылғы Lexus RX осы жылдың соңында АҚШ-тағы дилерлік орталықтарға жеткізіледі. Ал көліктің бағалары сатылым жақындағанда жарияланады. 49 950 долларға бағаланған RX-тың алдыңғы моделінен сәл қымбатырақ болады деп күтіліп отыр.
