«ҚазАвтоЖол» компаниясы Қарағанды, Ақмола, Павлодар облыстарында республикалық трассалар ашық екенін хабарлады. Күн күрт суытып, қар түсуіне байланысты автожолдар жабылған еді.
Компания мына учаскелерде көліктердің жүруіне рұқсат берілгенін мәлімдеді:
1. Қарағанды облысы – «Екатеринбург – Алматы» жолының 1353-1426 шақырымы, Ақмола облысының шекарасы-Теміртау төлем ақы алу пункті учаскесі. – «Қызылорда-Павлодар» жолының 967-1135 шақырымы, Қарағанды қ.- Павлодар облысының шекарасы учаскесі. – «Қарағанды-Аягөз-Боғаз» жолының 17-217 шақырымы, Қарағанды қ. – Қарқаралы қ. учаскесі.
2. Ақмола облысы – «Екатеринбург – Алматы» жолының 1292-1353 шақырымы, Жібек жолы төлем ақы алу пункті – Қарағанды облысының шекарасы учаскесі.
3. Павлодар облысы – «Қызылорда-Павлодар» жолының 1135-1206 шақырымы, Қарағанды облысының шекарасы – Шидері ауылы учаскесі.
11 қазанда сағат 17:00-де Ақмола облысында ауа райының бұзылуына байланысты «Астана – Петропавл» автожолының (18-304 шақырым аралығы) Астана қаласынан Көкшетау қаласына дейінгі бөлігі жабылды. Одан СҚО-да үш учаскеде жүруге тыйым салынды.
12 қазан күні кешке Қазақстан темір жолы баспасөз қызметі ауа райына байланысты жабылған Астана-Көкшетау тас жолынан 600 адамды эвакуацияланғанын хабарлады. Сол күні Қарағанды мен Павлодар облыстары тас жолдарында шектеулер енгізілді.
