Louis Vuitton-ның қаржылық есебі нарықтың жақын арада қалпына келмесін көрсеткендей. Инвесторлардың үміті ақталмаған соң, еуропалық люкс брендтердің котировкалары төмендеді. Люкс брендтер секторы үшін маңызды кезең саналатын жаңа жылдық мерекелер маусымының алдында Louis Vuitton сатылымы бірнеше жылдан бері алғаш рет төмендеп отыр.
Сәрсенбі, 16 қазан күні Еуропада биржа сауда-саттығының ашылуында Louis Vuitton акциялары 5,9%-ға құлдырады. Мұндай жағдай 15 қазан күні компанияның АҚШ-тағы биржадан тыс нарықтағы органикалық табысының 3%-ға төмендеуі туралы хабардан кейін орын алды. Компания есебі инвесторлардың люкс брендтер секторындағы жағдайдың жылдам жақсаруға деген үмітін күйретіп, Қытай нарығындағы сұранысқа қатысты алаңдаушылықты күшейтті.
The Wall Street Journal басылымының хабарлауынша, осы жағдайға байланысты Kering тобының (Gucci және Balenciaga сияқты брендтердің иесі) акциялары сауда күнінің басында 5,4%-ға, Salvatore Ferragamo – 4,6%-ға, Moncler – 3,3%-ға, Hermes – 3,1%-ға, Swatch Group – 3%-ға, Compagnie Financiere Richemont – 2,5%-ға, ал британдық Burberry 2,2%-ға төмендеді. Financial Times атап өткендей, люкс өндірісіндегі ең ірі ашық компанияларды бақылайтын Stoxx Luxury 10 еуропалық индексі 2,6%-ға кеміді.
Люкс брендтер өндірушілері Қытайдағы экономикалық құлдырауға байланысты сұраныстың әлсіреуімен күресіп жатыр. Louis Vuitton өз есебінде Қытай нарығындағы тұтынушылардың көңіл-күйі нашарлағанын, ал экономикалық және геосаяси жағдайдың белгісіз болып қала беретінін айтты. Компания инвесторларға сұраныстың ең төменгі деңгейге жеткенін нақты айта алмады. Ал оның қаржылық нәтижелері люкс брендтер нарығының қалпына келуі туралы оптимизмнің ерте болғанын көрсетті деп хабарлады RBC Capital Markets инвестициялық банкі.
Louis Vuitton компаниясына шамамен 75 люкс бренд тиесілі. Bloomberg мәліметтері бойынша, топтың барлық негізгі бөлімшесі өткен тоқсанда нарықтық болжамдарды ақтамады. Citigroup сарапшысы Томас Шове компанияның тоқсандық нәтижелерін «Рождестволық және Қытайдың жаңа жылдық сатып алу маусымдары алдында сала үшін айтарлықтай теріс қалыптасқан» деп сипаттады.
WSJ атап өткендей, кейінгі апталарда еуропалық люкс өндірушілерінің бағалары Қытайдың экономикалық әлеуетіне қатты тәуелді болды. Осы аптаның басында акциялар Бейжің нарығы күткендей тұтынушылық сұранысты ынталандыру бойынша нақты шаралар қабылдамағандықтан төмендеді. Қыркүйек айының соңында Қытай билігі қабылдаған мемлекеттік қолдау пакеті негізінен проблемалық жылжымайтын мүлік секторын нығайтуға бағытталған, бірақ ол тұтынудың айтарлықтай өсуіне әкелмеді.
