Қыркүйек айында азық-түлік бағасы Алматыда 7,7% өскен. Бұл ел аумағындағы ең жоғары өсім болып отыр.
Ұлттық банк ақпаратына сүйенсек, азық-түліктің бағасының өсуі 5,1% дейін баяулағанымен, бірқатар өңірлерде өсім әлі де байқалады. Мәселен, Алматыда тауар бағасы 7,7% болған. Ең төменгі өсім елорда тіркелген – 2,1%.
Азық-түлік емес тауарларға келсек, ел бойынша бағаның өсу қарқыны 7,6% дейін баяулаған. Бұл тауарлар көбіне Түркістан облысында қымбаттаған 13,3%, бағаның ең баяу өсуі Жетісу облысында байқалған – 4,9%.
Қызмет көрсету саласында бағаның өсімі 13,6% көлемінде сақталған. Ең жоғары өсім Павлодар облысында – 20,%, ең төменгі Алматы облысында – 7,7%.Жалпы инфляция деңгейіне келсек, 11 өңірде баяулап, 7 өңірде жеделдеп, 2 өңірде сол қалпында қалған.
Ел бойынша тамызға қарағанда баяулаған – 8,3%. Ең жоғары мән Астана мен Маңғыстауда байқалды. Ел бойынша бір айдағы инфляция өсімі 0,4% құрады.
Осыған дейін 15 қазаннан бастап Алматыда электр энергиясы үшін тариф қымбаттайтыны туралы жазған едік.
