Алматы қаласының орталығындағы кафеден өрт шықты
Алматы қаласының орталығынан өрт шықты. Мұқағали Мақатаев көшесінде орналасқан «Кунжут» кафесінің шатыры түтіндеген. Бұл туралы «Курсив» оқырмандары хабарлайды.
Қалалық Төтенше жағдайлар департаментінің мәліметі бойынша, 1 қабатты кафенің желдеткіш құбыры түтіндеген. ТЖД күштері мен құралдары кафенің шатырын ашып жатыр.
«ТЖД күштері мен құралдары Алмалы ауданы Мақатаев көшесі, 126 мекен жәйына жұмылдырылды, хабарлама бойынша онда 1 қабатты кафенің желдеткіш құбыры түтендеуде, шатыр конструкциялары ашу жұмыстары жүргізілуде», деген ТЖД хабарламасында.
Оқиға орнынан түсірілген кадрлардан кафені қою түтін орап жатқанын көруге болады. Бірнеше өрт сөндіру көлігі мен жедел жәрдем келген.
Сондай-ақ департамент өрт сөндірушілер кафеге 12:25-те шығып, оқиға орнына 12:30-да жеткенін айтты.
P.S. ТЖД хабарлауынша, 12-52-те өрт оқшауланған. 13-18-де өрт толық сөндірілді. Өрт 280 шаршы метр аумақты қамтыды.