Алматыда қандай тұрғын үй кешендерінен пәтер алуға болмайды

4 қарашада Алматы қаласында азаматтарға пәтер алуға кеңес берілмейтін тұрғын үй кешендерінің тізімі жария болды. Бұл туралы қала әкімдігі хабарлады.

Әкімдік жария еткен жаңартылған тізімде 36 тұрғын үй кешені бар.

Тізімге негізінен құрылыс салуға тиісті рұқсат ала алмаған немесе жобаның эскизін әкімдікпен келісіп жасамаған, немесе жасалған эскизден ауытқыған ғимараттар қосылған.

«Тізімге құрылысы әлі басталмаған, рұқсат құжаттары жоқ объектілер кірді. Қала құрылысы басқармасының ақпаратына сәйкес, осындай ТК бойынша ұсыныстар интернет-ресурстардың мониторингі нәтижесінде анықталады», – делінген әкімдік хабарламасында.

Бұдан бөлек, Алматы қаласының Мәслихаты қала аумағында құрылыс жүргізу регламентіне бірнеше өзгеріс енгізген. Өзгерістің басты жаңалығы 2006 жылы бекітілген «Қала құрылыс жөніндегі регламенттің» күші жойылды.

Енді қала ауа қозғалысына байланысты аймақтарға бөлінуі тиіс. Бұл бөлу (регламент) әртүрлі аудандарды жылжымайтын мүлік бағасы бойынша саралауға мүмкіндік береді. Алайда құжатта ауа қозғалысын қалай бағалайтыны, картаның қалай құрылатынын туралы толық мәлімет берілмеген.

Айта кетейік, Алматыда үй сатып алмас бұрын оның қауіпсіздігі туралы  +7 705 896 60 00 нөміріне хабарласып, анықтап білу керек.